Video : વડનગરના હાટકેશ્વર મહાદેવ મંદિરને ગુજરાતના કાશી તરીકે વિકસાવવા શંકરાચાર્યની અપીલ
વડનગરના હાટકેશ્વર મહાદેવ મંદિરને ગુજરાતના કાશી તરીકે વિકસાવવા જગદગુરુ પૂજ્યશ્રી શંકર વિજયેન્દ્ર સરસ્વતી શંકરાચાર્ય સ્વામીએ અપીલ કરી છે.
ગુજરાતના વડનગર સ્થિત પ્રખ્યાત હાટકેશ્વર મહાદેવ મંદિરને ગુજરાતના કાશી તરીકે વિકસાવવા માટે જગદગુરુ પૂજ્યશ્રી શંકર વિજયેન્દ્ર સરસ્વતી શંકરાચાર્ય સ્વામીએ મોટી અપીલ કરી છે. તેમણે વારાણસીના કાશી વિશ્વનાથ કોરિડોરની તર્જ પર વડનગરમાં પણ હાટકેશ્વર મહાદેવ મંદિર અને સમગ્ર હાટકેશ્વર ક્ષેત્રનો વિસ્તાર થાય અને તેનો જીર્ણોદ્ધાર થાય તેવી ઇચ્છા વ્યક્ત કરી છે.
આ રજૂઆત મુખ્યમંત્રી ભૂપેન્દ્ર પટેલની ઉપસ્થિતિમાં થઈ હતી, જ્યાં શંકરાચાર્ય સ્વામીએ તેમની સાથે આ મુદ્દે સંવાદ કર્યો હતો. તેમણે ધાર્મિક સંસ્થાઓને પણ વિવિધ પ્રવૃત્તિઓ શરૂ કરીને સમાજમાં ધાર્મિક ઊર્જા વધારવા માટે આગળ આવવાની અપીલ કરી હતી. જો આ દિશામાં કાર્યવાહી આગળ વધે તો વડનગરને ધાર્મિક અને આધ્યાત્મિક ક્ષેત્રે એક નવી ઓળખ મળી શકે છે, જે ધાર્મિક પ્રવાસનના નકશા પર તેની મહત્વતા વધારશે. આ વિકાસથી વડનગરનો ધાર્મિક અને સાંસ્કૃતિક વારસો વધુ ઉજાગર થશે.
દ્વારકા જગત મંદિરમાં ફોટોગ્રાફી અંગે ‘મોટો નિર્ણય’, ભોગ-ધ્વજાજી ઉત્સવ માટે ‘2,500 રૂપિયા’ ફી નક્કી
