Gir Somnath : ગુજરાતમાં ચોમાસુ (Monsoon 2023) જામ્યુ છે. ગીરસોમનાથના સૂત્રાપાડા અને વેરાવળમાં જળબંબાકાર જેવી સ્થિતિ છે. ગીરસોમનાથના સૂત્રાપાડામાં જાણે આભ ફાટ્યુ છે. સૂત્રાપાડામાં છેલ્લા 24 કલાકમાં 22 ઇંચ વરસાદ (Rain) ખાબક્યો છે. 19 ઇંચ વરસાદથી વેરાવળ પાણી-પાણી થયું છે. તલાળામાં પણ ધોધમાર વરસાદ વરસ્યો છે. તાલાળામાં 12 ઈંચ વરસાદ ખાબક્યો છે. રાજકોટના ધોરાજીમાં પણ 12 ઈંચ વરસાદ વરસ્યો છે.
વેરાવળમાં ભારે વરસાદને પગલે પાણી ભરાયા છે. અનેક વિસ્તારોમાં કેડ સમા પાણી ભરાતા લોકોને હાલાકીનો સામનો કરવો પડી રહ્યો છે. નિચાણવાળા વિસ્તારોમાં પાણી ભારાતા લોકોને મુશ્કેલીનો સામનો કરવો પડી રહ્યો છે. દેવકા અને હીરણ નદીના પાણી શહેરમાં ફરી વળ્યા છે.
ગીરસોમનાથના તાલાલા શહેરમાં હિરણ નદીના પાણી ફરી વળ્યા છે, પાણીની સાથે સાથે મગર પણ તણાઈને આવતાં લોકોમાં ભયનો માહોલ ફેલાયો છે. દ્રશ્યોમાં તમે જોઈ શકો છો કે મગર રસ્તા પર ફરતા જોવા મળી રહ્યા છે.. સામાન્ય રીતે મગર તળાવ અને નદીઓમાં જ જોવા મળતા હોય છે, પરંતુ નદીમાંથી મગર રસ્તા પર આવી જતાં લોકોમાં ભય જોવા મળ્યો હતો.
Published On - 8:52 am, Wed, 19 July 23