Anand : પોલીસકર્મી બન્યો દેવદૂત! રેલવે અને પ્લેટફોર્મ વચ્ચે ફસાયેલી મહિલાને બચાવી, ઘટનાના CCTV આવ્યા સામે, જુઓ Video
આણંદ રેલવે સ્ટેશન પર ટ્રેન પર ચડવાના પ્રયાસમાં મહિલા ટ્રેનના દરવાજા અને પ્લેટફોર્મ વચ્ચે ફસાઈ ગઈ હતી. મહિલા ટ્રેનમાં એવી રીતે ફસાઈ કે ટ્રેનમાં ચડી પણ શકતી હતી નહીં અને પ્લેટફોર્મ પર પરત પણ આવી શકે તેમ હતી નહીં અને એજ સમયે ટ્રેન શરૂ થતા મહિલા પણ ઢસડાતી ઢસડાતી ટ્રેન સાથે આગળ જઈ રહી હતી.
આણંદ રેલવે સ્ટેશન પર ટ્રેન પર ચડવાના પ્રયાસમાં મહિલા ટ્રેનના દરવાજા અને પ્લેટફોર્મ વચ્ચે ફસાઈ ગઈ હતી. જો થોડો પણ વિલંબ થાત તો આ મહિલાએ પોતાનો જીવ ગુમાવવાનો વારો આવત. જો કે રેલવે પોલીસ કર્મીએ સતર્કતા દાખવીને તરત જ આ મહિલાને બચાવી લીધી છે. જેના સીસીસીટીવી ખૂબ જ વાયરલ થઇ રહ્યા છે.
મહિલા ટ્રેનમાં એવી રીતે ફસાઈ કે ટ્રેનમાં ચડી પણ શકતી હતી નહીં અને પ્લેટફોર્મ પર પરત પણ આવી શકે તેમ હતી નહીં અને એજ સમયે ટ્રેન શરૂ થતા મહિલા પણ ઢસડાતી ઢસડાતી ટ્રેન સાથે આગળ જઈ રહી હતી. પરંતુ એ જ વખતે દેવદૂત બનીને આવેલા બહાદુર પોલીસકર્મીએ પોતાના જીવની પરવા કર્યા વિના, ગણતરીની સેકન્ડોમા મહિલાને ખેંચી બહાર કાઢી અને તેને નવું જીવન આપ્યું હતું. આ સમગ્ર ઘટના સીસીટીવીમાં કેદ થઈ છે. પોલીસકર્મીએ સતર્કતા વાપરીને મહિલાને સુરક્ષિત રીતે પ્લેટફોર્મ પર ખેંચી લેતા મહિલાનો આબાદ બચાવ થયો અને દુર્ધટના ટળી હતી.
