Rajkot: સ્ટાર સિનર્જી હોસ્પિટલની ગંભીર બેદરકારી, લિફ્ટમાં ખામી સર્જાતા દર્દીઓ પરેશાન

Rajkot: આ વીડિયો રાજકોટની મવડી મેઈન રોડ પર આવેલી સ્ટાર સિનર્જી હોસ્પિટલના છે. જુઓ આ સ્ટાર સિનર્જી હોસ્પિટલની સારવારના દ્રશ્યો. લિફ્ટમાં ખામી સર્જાતા અહીં કેવી અવ્યવસ્થા સર્જાઇ છે. આ ગંભીર અસ્વસ્થ દર્દીને હોસ્પિટલનો સ્ટાફ અને પરિજનો સીડી દ્વારા નીચે ઉતારી રહ્યા છે. દર્દીને ત્રીજા માળેથી જીવના જોખમે ઓક્સિજન માસ્ક સાથે સ્ટેચર સહિત પગથિયાથી નીચે લવાઇ રહ્યા છે. જો હોસ્પિટલમાં જ દર્દીની આ સ્થિતિ હોય તો હવે દર્દીને સારવાર માટે ક્યાં જવુ તે એક મોટો પ્રશ્ન બની રહ્યો છે.

હરિવંદના કૉલેજ વિવાદમાં સપડાઈ

રાજકોટમાં હરિવંદના કૉલેજ વિવાદોના વમળમાં ફસાઈ છે. કૉલેજમાં પ્રોફેસર્સના ઈલુ-ઈલુ ચાલતા હોવાનો પત્ર વાયરલ થતાં શિક્ષણ જગતમાં હડકંપ મચ્યો છે. વિદ્યાર્થીઓના નામે જુલાઈ મહિનામાં લખાયેલો પત્ર અત્યારે વાયરલ થયો છે. જેમાં કૉલેજના પ્રોફેસર રિલેશનશીપમાં હોવાનો ઉલ્લેખ છે. અને અન્ય એક સર પોતાની ફ્રેન્ડને લેક્ચર માટે બોલાવતા હોવાનો પણ આક્ષેપ છે.