Gujarat Video: પોશીના વિસ્તારમાં ધોધમાર વરસાદ, પનારી અને સાબરમતી નદીમાં નવા નીર આવ્યા

સાબરકાંઠા જિલ્લાના પોશીના તાલુકામાં ધોધમાર વરસાદ વરસ્યો છે. જિલ્લાનો સૌથી વધારે વરસાદ પોશીના તાલુકામાં નોંધાયો છે. સવારના 6 કલાકમાં પોશીના વિસ્તારમાં સવા બે ઈંચ જેટલો વરસાદ ખાબક્યો હતો. અગાઉ શુક્રવાર સાંજ અને રાત્રી દરમિયાન પણ વિસ્તારમાં પોણા ચાર ઈંચ જેટલો વરસાદ ખાબક્યો હતો. આમ સતત ધોધમાર વરસાદને લઈ વિસ્તારની પનારી નદીમાં નવા નીરની આવક પ્રથમ વરસાદમાં જ થઈ છે. ચોમાસાની સિઝનની શરુઆતે જ નદીમાં પાણી આવતા વિસ્તારના લોકોમાં આનંદ છવાયો હતો.

તાજા સમાચાર મુજબ રાત્રીના 8 વાગ્યા સુધીમાં સવા પાંચ ઈંચ જેટલો વરસાદ પોશીના વિસ્તારમાં વરસ્યો છે. સવારે 6 વાગ્યા થી સાંજે 8 વાગ્યા સુધીમાં પાંચ ઈંચ કરતા વધારે વરસાદ નોંધાયો હતો. મોડી સાંજે પણ ફરી ધોધમાર વરસાદ વરસ્યો હતો. વરસાદને લઈ પનારી નદી બે કાંઠે થઈ હતી.

આ પણ વાંચોઃ Pakistan, ODI World Cup: પાકિસ્તાન વિશ્વકપ રમવા ભારત નહીં આવે? અમદાવાદમાં રમવાને લઈ નજમ સેઠીના જવાબથી મચ્યો હડકંપ

બિપરજોય વાવાઝોડાના તાજા સમાચાર વાંચવા માટે અહીં ક્લિક કરો