Ahmedabad : પ્રગતિનગરમાં નશામાં ધૂત કાર ચાલકે 4 લોકોને લીધા અડફેટે, જુઓ Video

રાજ્યમાં અવારનવાર અકસ્માતની ઘટના બનતી હોય છે. ત્યારે આજે ફરી એક વાર અમદાવાદમાં અકસ્માતની ઘટના બની છે. અમદાવાદના પ્રગતિ નગરની લક્ષ્મી ડેરી પાસે અકસ્માત સર્જાયો છે. કાર ચાલકે 3 થી 4 લોકોને અડફેટે લીધા છે. સ્થાનિકોએ કાર ચાલકને પકડી પોલીસને હવાલે કર્યો હતા. કાર ચાલક નશાની હાલતમાં હોવાનો સ્થાનિકોનો આક્ષેપ કર્યો છે. ટ્રાફિક પોલીસે ઘટના સ્થળે પહોંચી વધુ તપાસ હાથ ધરી છે.

બીજી તરફ અમદાવાદના જજીસ બંગલો ચાર રસ્તા પાસે હિટ એન્ડ રનની ઘટના થોડા દિવસ પહેલા બની હતી. અકસ્માતના 4 દિવસ બાદ અકસ્માત સર્જનારા કારચાલકની ઓળખાણ થઈ હોવાનું સામે આવ્યું છે. જો કે પોલીસની ધીમી કામગીરીને લઈને પણ આંગળી ચીંધવામાં આવી રહી છે.  કાર ચાલક સગીર હોવાનું તપાસમાં ખુલ્યું છે. પોલીસે મોબાઈલ લોકેશન અને CCTV ફૂટેજ મેળવી તપાસ હાથ ધરી હતી. અત્યારે મહિલા જીવન -મરણ વચ્ચે ઝોલા ખાઈ રહી છે. આ અકસ્માતની ઘટના 28 ફેબ્રુઆરીના રોજ બની હતી. ઉલ્લેખનીય છે કે આ અકસ્માત સર્જાયો ત્યારે કાર સગીર ચલાવી રહ્યો હતો.