અમદાવાદના વાડજમાં દોઢ વર્ષની માસૂમ બાળકી પર એક યુવકે દુષ્કર્મ ગુજાર્યુ છે. વાડજ પોલીસ મથક હદની આ ઘટનામાં પશ્ચિમ બંગાળના યુવકે વિસ્તારમાં રહેવા દરમિયાન એક માસૂમ બાળકી પર દુષ્કર્મ આચર્યુ છે. યુવકે નજીકમાં જ રહેતી એક બાળકીને બિસ્કીટ ખવડાવવાના બહાને બોલાવીને ઘરમાં લઈ જઇ દુષ્કર્મ આચર્યુ હતુ.
બાળકીના પરિવારને જાણ થતા જ બાળકીને સારવાર કરાવી પોલીસને જાણ કરી હતી. વાડજ પોલીસે ઘટના સ્થળે દોડી આવીને દુષ્કર્મની તપાસ શરુ કરી હતી. આ દરમિયાન 34 વર્ષીય આરોપી યુવકને પણ પોલીસે ઝડપી લઈને કાર્યવાહી હાથ ધરી છે. પોલીસે પોક્સો એક્ટ હેઠળ ગુનો નોંધી યુવક સામે કાર્યાવાહી કરી છે.
વાડજ વિસ્તારમાં રહેતા શ્રમિક પરિવાર તેના બાળકોને ઘરે મૂકી મજૂરી કરવા બહાર ગયું હતું અને થોડીવારમાં જ બાળકીના પિતા ઘરે પરત ફરતા નાની બાળકી ઘરમાં નહિ દેખાતા આસપાસમાં તેની શોધ કરી હતી. જ્યાં દીકરી નજીકના ઘરની બહાર ઈજાગ્રસ્ત હાલતમાં મળી આવી હતી. બાળકીના માતા-પિતા તાત્કાલિક તેને સારવાર માટે હોસ્પિટલ લઈ ગયા હતા, જ્યાં બાળકી સાથે દુષ્કર્મ થયું હોવાની હકીકત સામે આવી હતી. બાળકીના પરિવાર દ્વારા વાડજ પોલીસ મથકમાં ફરિયાદ નોંધાવતા પોલીસે તાત્કાલિક ધરપકડ કરી જેલને હવાલે યુવકને કર્યો હતો.
પોલીસ તપાસમાં સામે આવ્યું છે કે શ્રમિક પરિવારની બાજુમાં જ રહેતા પશ્ચિમ બંગાળના અન્ય એક શ્રમિક યુવક દ્વારા બાળકી પર દુષ્કર્મ ગુજાર્યું હતું. જે બાદ એરોપી છેલ્લા બે ત્રણ દિવસથી ઘરે રહેતો ન હતો. આરોપીએ બાળકીને બિસ્કીટ ખવડાવવાનું કહી પોતાના ઘરમાં લઈ ગયો હતો, જ્યાં તેના પર દુષ્કર્મમાં આચર્યું હતું. જે બાદ બાળકી રડવા લાગતા તેને ઘરની બહાર લોહી લુહાણ હાલતમાં મૂકી દીધી હતી. ફરિયાદને આધારે વાડજ પોલીસે જય પંચન હલદર નામના આરોપીની ધરપકડ કરી છે. જે છેલ્લા ઘણા સમયથી અમદાવાદ રહી મજૂરી કામ કરતો હતો અને પોતે અપરણિત છે.
Published On - 5:12 pm, Tue, 13 February 24