NAVSARI : એક જ શાળામાં બે વિદ્યાર્થીઓ કોરોના સંક્રમિત થતા ફફડાટ, શાળાને 14 દિવસ માટે બંધ કરવામાં આવી

શાળામાં બે વિદ્યાર્થીઓના સંક્રમિત થવાની સાથે લક્ષણો ધરાવતા અને શંકાસ્પદ લાગતા 100 જેટલા વિદ્યાર્થીઓનું ટેસ્ટીંગ કરવાની પ્રક્રિયા પણ હાથ ધરવામાં આવી છે.

NAVSARI : નવસારીમાં એક જ શાળામાં બે વિદ્યાર્થીઓ કોરોના સંક્રમિત થતા ફફડાટ ફેલાયો છે અને શાળાને 14 દિવસ માટે બંધ કરવામાં આવી છે. આ બે વિદ્યાર્થીઓને શાળામાં શરદી-ઉધરસ થતા તેને ધ્યાને લઈને બંને વિદ્યાર્થીઓનું કોરોના ટેસ્ટિંગ કરવામાં આવ્યું હતું. આ ટેસ્ટમાં બંને વિદ્યાર્થીઓ કોરોના સંક્રમિત જણાતા શાળાના સંચાલકો અને અન્ય વાલીઓમાં ચિંતા વધી છે. આ શાળામાં સુરક્ષાને ધ્યાને રાખીને શાળા અને હોસ્ટેલ 14 દિવસ માટે બંધ કરવામાં આવ્યાં છે.

જે શાળામાં બાળકો કોરોના સંક્રમિત થયા એ સત્યસાઈ વિદ્યા નિકેતનમાં વિદ્યાર્થીઓ અભ્યાસ કરવાની સાથે શાળાની જ હોસ્ટેલમાં રહે છે. જે બે વિદ્યાર્થીઓ સંક્રમિત થયા એમાં એક વિદ્યાર્થીઓ સુરત જિલ્લાના મહુવા તાલુકાનો અને બીજો વિદ્યાર્થીઓ બારડોલી જિલ્લાનો હોવાની વિગતો મળી છે. આ શાળામાં બે વિદ્યાર્થીઓના સંક્રમિત થવાની સાથે લક્ષણો ધરાવતા અને શંકાસ્પદ લાગતા 100 જેટલા વિદ્યાર્થીઓનું ટેસ્ટીંગ કરવાની પ્રક્રિયા પણ હાથ ધરવામાં આવી છે.

આ પણ વાંચો :  CM ભુપેન્દ્ર પટેલનું મોટું નિવેદન, કહ્યું “ચૂંટણી સમયે બધા બોલે, પછી કોઈ દેખાતું નથી, એવું નહીં થાય”

આ પણ વાંચો : છેલ્લા 7 વર્ષથી ગુમ માંગરોળનો યુવાન મુંબઈથી મળી આવ્યો, જાણો મુંબઈમાં કોની સાથે રહેતો હતો

Click on your DTH Provider to Add TV9 Gujarati