Nadiad: બિનવારસી હાલતમાં મળેલી બાળકીનો કેસ, માતાને શોધવામાં પોલીસને મળી મોટી સફળતા
થોડા દિવસ પહેલા નડિયાદથી મળી આવેલ 2 થી 2.5 વર્ષની બાળકીની માતાની પુરજોશમાં શોધખોળ શરુ કરવામાં આવી હતી. જેમાં હવે પોલીસને માતા મળી આવી છે.
નડિયાદમાં થોડા દિવસ પહેલા બેથી અઢી વર્ષની બાળકી મળી આવી હતી. પોલીસ તપાસ બાદ હવે બાળકીની માતા મળી આવી છે. પોલીસ પાસેથી જાણવા મળ્યું કે, મૂળ ભરૂચની આ રહેવાસી આ મહિલા એટલે કે માતા આણંદ પોલીસ સ્ટેશન પાસે રહે છે. મહત્વનું છે કે નડિયાદના બાલ્કન જી બારી વિસ્તારમાંથી આ બાળકી મળી આવી હતી. બિનવારસી દેખાતી બાળકી વિશે સ્થાનિક લોકોએ પોલીસને જાણ કરી હતી. જે બાદ નડિયાદ ટાઉન પોલીસ અને ખેડા એલસીબીની ટીમે સતત બાળકીના માતા-પિતાની શોધખોળ શરૂ કરી હતી. બાળકી જે વિસ્તારમાંથી મળી આવી તે વિસ્તારના સીસીટીવી પોલીસ દ્વારા તપાસમાં કરવામાં આવી હતી.
જણાવી દઈએ કે થોડા દિવસ પહેલા જ ખેડા જિલ્લાના નડિયાદમાંથી બેથી અઢી વર્ષની બાળકી મળી આવતા ચકચાર મચી જવા પામ્યો હતો. નડિયાદના બાલ્કન જી બારી વિસ્તારમાંથી આ બાળકી મળી આવી હતી. જેની બાદ નડિયાદ ટાઉન પોલીસે બાળકીના વાલીઓની તપાસ શરૂ કરી હતી. તપાસમાં જાણવા મળ્યું છે કે આણંદ પોલીસ સ્ટેશન પાસે બાળકીની માતા રહે છે. જે વિસ્તારમાંથી આ બાળકી મળી હતી તે વિસ્તારના સીસીટીવી ફૂટેજની પોલીસ દ્રારા તપાસ કરવામાં આવી હતી.
ત્યારે બાળકીને સિવિલ હોસ્પિટલમાં લઈ જવામાં આવી હતી. જ્યાં બાળકી શારિરીક તપાસ કરવામાં આવી હતી. પોલીસને પણ આ બાળકી મળી આવતા વિવિધ દિશામાં તપાસ કરીને માતાને શોધી લીધી છે.
આ પણ વાંચો: ભાજપ Vs ભાજપ: નવસારીના સિનિયર BJP કાર્યકરોએ પાર્ટીના જ મોટા નેતાઓ સામે ભ્રષ્ટાચારના લગાવ્યા ગંભીર આરોપ
