કચ્છના નખત્રાણાના પાલરધુના ધોધમાં 2 યુવકો ફસાયા હતા. ધસમસતા વરસાદી પાણીના પ્રવાહમાં યુવકો ફસાયા હતા. સ્થાનિકો અને પોલીસની ટીમ દ્વારા યુવકોનું રેસ્ક્યૂ કરાયું. 2 કલાકની ભારે જહેમત બાદ યુવાનોને બહાર કઢાયા છે. દોરડું બાંધી પાણીના પ્રવાહમાંથી બંને યુવકોને બહાર કઢાયા હોવાનો વીડિયો સામે આવ્યો છે. જ્યારે સૌરાષ્ટ્રમાં ભારે વરસાદના પગલે 550થી વધારે લોકોને સ્થળાંતર કરાવામાં આવ્યું છે. જ્યારે 45થી વધારે લોકોનું રેસ્ક્યૂ કરવામાં આવ્યુ છે.
બીજી તરફ ગઈકાલે કચ્છના નખત્રાણાના મંગવાણામાં ધોધમાર વરસાદ વરસ્યો છે. જેના પગલે ભુજ – નલિયા હાઈવે બેટમાં ફેરવાયો હતો. ગામની શેરીઓમાં પાણીનો પ્રવાહ જોવા મળ્યો છે. ભારે વરસાદના પગલે ગામમાં પાણી ફરી વળ્યા છે. જેના પગલે મુખ્ય રસ્તા પરનો વાહન વ્યવહાર ખોરવાયો છે.