Gujarat Rain : હવામાન વિભાગની આગાહી અનુસાર આજે શુક્રવારે વલસાડ, નવસારી, દમણ અને દાદરાનગર હવેલીમાં ભારે વરસાદ વરસી શકે છે. જ્યારે સાબરકાંઠા અને અરવલ્લીમાં આજે ભારે વરસાદની આગાહી વ્યક્ત કરવામાં આવી છે. તો જૂનાગઢ, અમરેલી અને ભાવનગરમાં વરસાદ વરસી શકે છે. તો આજે દક્ષિણ ગુજરાતમાં અતિભારે વરસાદની આગાહી વ્યક્ત કરવામાં આવી છે.
સુરત, ડાંગ અને તાપીમાં પણ વરસાદ વરસી શકે છે. હવામાન વિભાગ દ્વારા આગામી 5 દિવસ માછીમારોને દરિયો ન ખેડવા સૂચના આપવામાં આવી છે. દરિયાકાંઠા વિસ્તારોમાં 45થી 60 કિમીની ઝડપે પવન ફૂંકાય તેવી સંભાવના છે. તો બીજી તરફ અમદાવાદ અને ગાંધીનગરમાં છૂટા છવાયા વરસાદની આગાહી કરવામાં આવી છે.
હવામાન વિભાગની આગાહી અનુસાર આજે શુક્રવારે બનાસકાંઠા, ભરુચ, દેવભૂમિ દ્વારકા, જામનગર, મહીસાગર, મહેસાણા, પાટણ, પોરબંદર, રાજકોટ સહિતના જિલ્લાઓમાં 30 ડિગ્રી તાપમાન રહે તેવી સંભાવના છે. તો આજે અમદાવાદ, બોટાદ, ડાંગ, ગાંધીનગર, ગીર સોમનાથ, જુનાગઢ સહિતના જિલ્લાઓમાં 31 ડિગ્રી તાપમાન રહે તેવી સંભાવના છે. તો બીજી તરફ અમરેલી, ભાવનગર, છોટાઉદેપુર, કચ્છ, ખેડા સહિતના જિલ્લાઓમાં 29 ડિગ્રી તાપમાન રહે તેવી સંભાવના છે.
હવામાન અને ગુજરાતના તમામ જિલ્લાના સમાચાર વાંચવા માટે અહીં ક્લિક કરો