મહેસાણાની દીકરી બેડમિન્ટનમાં વર્લ્ડ જુનિયર રેંકિંગમાં નંબર વન, બેડમિન્ટન પ્લેયર તસનીમ મીરે દેશનું ગૌરવ વધાર્યું

ગુજરાતની બેડમિન્ટન ખેલાડી તસનીમ મીરે (Tasneem Mir) ઇતિહાસ રચી દીધો છે. માત્ર 16 વર્ષની તસનીમ મીર જૂનિયર બેડમિન્ટનમાં દુનિયાની નંબર 1 ખેલાડી બની ગઇ છે. તસનીમ ગયા વર્ષના શાનદાર પ્રદર્શનના કારણે નંબર 1 રેન્કિંગ સુધી પહોંચી છે. જે પી.વી.સિંધુ અને સાયના નહેવાલ ના કરી શક્યા તે મહેસાણા પોલીસ કર્મચારીની દીકરીએ કરી બતાવ્યું. તસનીમે વર્લ્ડ રેન્કિંગમાં નંબર 1 રેન્ક મેળવીને ગુજરાતનું નામ સમગ્ર દેશમાં ગુંજતું કર્યું છે. આમ તસનીમ મીર ભારતની પ્રથમ મહિલા ખેલાડી બની છે.

તસનીમે કહ્યું કે, આ ઉપલબ્ધિ મેળવીને મને ઘણો આનંદ થાય છે. આ સન્માનજનક વાત છે. આ સાથે તસનીમ બીજા સ્પોર્ટસમાં રુચી દાખવતા બાળકો અને લોકો માટે પ્રેરણા બની છે. 16 વર્ષીય દીકરીનું બેડમિન્ટનમાં વર્લ્ડ જુનિયર રેંકિંગમાં નંબર 1 પર પહોંચવું એ કઈ નાની સિદ્ધિ નથી. બીજી તરફ તસનીમ મીરના પિતાએ કહ્યું, મારી પુત્રીને બેડમિન્ટન રમતા જોઈ મને થયું કે તેનામાં રમવા માટેનું એક ટેલન્ટ છે, જેથી મેં પોતે જ તેને ટ્રેનિંગ આપવાનું શરૂ કર્યું.

16 વર્ષીય તસનીમ મીર મહેસાણા (Mahesana) ની વતની છે અને તેના પિતા ગુજરાત પોલીસ માં ASI તરીકે ફરજ બજાવે છે. તેણે હાલમાં જ બેડમીન્ટનમાં શાનદાર પ્રદર્શન કર્યુ હતુ અને જે તેને ફળ્યુ છે.દરેક પિતાની ઇચ્છા હોય છે કે, પોતાની દિકરીના માથા પર તાજ શોભે. મહેસાણાની તસનીમને માત્ર 16 વર્ષની વયે જ વિશ્વમાં નંબર વન બનવાનો તાજ પોતાના શિરે મળ્યો છે. જોકે આ તાજ માટે તેના પિતાએ રાત દિવસ એક કર્યા છે. તેના પિતા પોલીસમાં હોવા ઉપરાંત બેડમિન્ટન કોચ છે. જેઓની પાસેથી તેણે બાળપણથી જ બેડમિન્ટના પાઠ શિખ્યા હતા.

આ પણ વાંચો : Banaskanth : ટ્રક અને અલ્ટો કાર વચ્ચે અકસ્માતમાં 5ના મોત, બે ગંભીર

આ પણ વાંચો : Surat : હજીરામાં અદ્યતન ડિઝાસ્ટર મેનેજમેન્ટ સેન્ટર ઉભું કરાશે, જમીન ફાળવવા સરકારની મંજૂરી