Ahmedabad : અમરાઈવાડીમાં તેલના ગોડાઉનમાં લાગી ભીષણ આગ, જુઓ Video

ઉનાળામાં અનેક વાર આગ લાગવાની ઘટના સામે આવતી હોય છે. ત્યારે અમદાવાદની અમરાઈવાડી વિસ્તારમાં આગ લાગવાની ઘટના બની હતી. અમદાવાદમાં તેલના ડબ્બાના ગોડાઉનમાં આગ લાગવાની ઘટના બની હતી. તેલના ગોડાઉનમાં આગ લાગતા આસપાસના વિસ્તારોમાં દૂર દૂર સુધી ધુમાડાના ગોટે ગોટા જોવા મળ્યા હતા. વિકરાળ આગ ભભૂકી ઉઠતા અફરાતફરીનો માહોલ સર્જાયો હતો.ફાયરબ્રિગેડે મહામહેનતે આગને કાબૂમાં લીધી છે.

વડોદરામાં લાગી ભીષણ આગ

બીજી તરફ વડોદરામાં ભંગારના ગોડાઉનમાં ભીષણ આગ લાગી છે. વડોદરાની તરસાલીના ધન્યાવી પાસેની આગ લાગવાની ઘટના બની હતી. આગ વિકરાળ થતા 5 કિલોમીટર સુધી ધુમાડો જોવા મળ્યો હતો. ધુમાડોના કારણે આસપાસના વિસ્તારમાં લોકોને શ્વાસ લેવામાં પણ મુશ્કેલી સર્જાઈ છે. ફાયર વિભાગે સ્થળ પર પહોંચીને આગ પર કાબૂ મેળવ્યો છે. ફાયર વિભાગની 3 ટીમ ઘટનાસ્થળ પર પહોંચી હતી. બપોરે 3 વાગ્યે ફાયર વિભાગને કોલ મળ્યો હતો.