MAHISAGAR : જિલ્લા ભાજપ કારોબારી સભ્ય અને તેમના પત્નીની હત્યાથી ચકચાર

MAHISAGAR : જિલ્લા ભાજપ કારોબારી સભ્ય અને તેમનાં પત્નીની હત્યાથી ચકચાર મચી ગઇ છે. ભાજપના નેતાની લાશ ઘરના ગાર્ડનમાંથી મળી આવી હતી, જ્યારે તેમનાં પત્નીની લાશ ઘરમાંથી લોહીલુહાણ હાલતમાં મળી આવી હતી. ઘટનાની જાણ થતાં જ લુણાવાડા પોલીસ સ્થળ પર પહોંચી ગઇ છે અને FSL અને ડોગ સ્કવોડની મદદથી તપાસ શરૂ કરી છે.

ગત રાત્રીના સમયે વૃદ્ધ ત્રિભોવનદાસ પંચાલ અને તેમના પત્નિ જમી રહ્યા હતા તે દરમિયાન કોઈ અજાણ્યા ઈસમોએ બુમ પાડીને વૃદ્ધ ત્રિભોવનદાસને બહાર બોલાવ્યા હતા. જેથી તેઓ ઘરની બહાર આવી ઘરના કમ્પાઉન્ડ વોલ પાસે આવેલ લોખંડના દરવાજાનું તાળું ખોલી પરત ઘર તરફ આવતા હતા.

તે દરમિયાન તેઓને માથાના ભાગે તીક્ષ્ણ હથિયારના ઉપરાછાપરી 3 ઘા મારી હુમલો કરી હત્યા નિપજાવી હતી. દરમિયાન ઘર બહાર થયેલ હિલચાલને લઈને તેમના પત્નિ ઘર બહાર આવતા હતા. તે વખતે જ તેમને પણ માથાના ભાગે તીક્ષ્ણ હથિયારના માથાના ભાગે ઘા મારી હત્યારાઓ ફરાર થયા હતા.

સમગ્ર ઘટનાની જાણ સવારે દૂધ ભરવા માટે જતા લોકોએ તેઓના કમ્પાઉન્ડમાં ખુલ્લામાં લોહીલુહાણ હાલતમાં મૃતદેહ જોતા થઈ હતી. બનાવની જાણ લુણાવાડા પોલીસને તેમજ મૃતકના આણંદ ખાતે રહેતા પુત્ર ને થતા તાત્કાલિક તેઓ ઘટના સ્થળે પહોંચી ગયા હતા.