આજનું હવામાન : ગુજરાતમાં વરસાદથી મળશે રાહત ? જાણો હવામાન વિભાગે વરસાદને લઈને શું કરી આગાહી, જુઓ Video

હવામાન વિભાગની આગાહી અનુસાર આજે રાજ્યના કેટલાક વિસ્તારોમાં હળવાથી મધ્યમ વરસાદ પડે તેવી શક્યતા છે. આગામી 5-6 દિવસ ગુજરાતમાં સામાન્યથી મધ્યમ વરસાદની આગાહી કરવામાં આવી છે. ત્યારે 14 સપ્ટેમ્બર સુધી રાજ્યમાં વરસાદી માહોલ રહેવાની શક્યતા છે. જ્યારે આગામી 3 દિવસ માછીમારોને દરિયો ન ખેડવા સૂચના આપી છે. આ ઉપરાંત દરિયાકાંઠે 40થી 50 કિમીની ઝડપે પવન ફૂંકાઈ શકે છે.

ગુજરાતમાં મહત્તમ તાપમાન કેટલું રહેશે ?

આજે અમદાવાદ, આણંદ, ગાંધીનગર, જામનગર, કચ્છ, ખેડા, મોરબી, મહેસાણા, પાટણ, રાજકોટ સહિતના જિલ્લાઓમાં 32 ડિગ્રી મહત્તમ તાપમાન રહે તેવી શક્યતા છે. આ ઉપરાંત વડોદરામાં પણ 32 ડિગ્રી મહત્તમ તાપમાન રહે તેવી સંભાવના છે. તેમજ સુરેન્દ્રનગરમાં 34 ડિગ્રી મહત્તમ તાપમાન રહે તેવી શક્યતા છે.

બીજી તરફ દહોદ, નવસારી, પોરબંદર, સુરત અને વલસાડ જિલ્લામાં 30 ડિગ્રી મહત્તમ તાપમાન રહે તેવી સંભાવના છે. આ તરફ અમદાવાદ, આણંદ, ભાવનગર, બોટાદ, ગાંધીનગર, જુનાગઢ, ખેડા, મોરબી, મહેસાણા, નર્મદા, પાટણ, રાજકોટ સહિતના જિલ્લાઓમાં 24 ડિગ્રી ન્યૂનતમ તાપમાન રહે તેવી શક્યતા છે. આ તરફ અમરેલી, અરવલ્લી, બનાસકાંઠા, છોટાઉદેપુર, મહીસાગર, પંચમહાલ સહિતના જિલ્લાઓમાં 23 ડિગ્રી ન્યૂનતમ તાપમાન રહે તેવી સંભાવના છે.