જામનગરમાં ધ્રોલ તાલુકામાં સ્થાનિક સ્વરાજ્યની ચૂંટણીનો વિરોધ, પીપરટોડા ગામના લોકોએ કર્યો મતદાનનો બહિષ્કાર- Video

જામનગરના ધ્રોલ તાલુકના પીપરટોડા ગામના ગ્રામજનો દ્વારા મતદાનનો બહિષ્કાર કરવામાં આવી રહ્યો છે. બાજુના ગામના ખેડૂતે ગામમાં ગેરકાયદે પાઈપલાઈન નાખતા ગામલોકોએ તેના સામે વિરોધ નોંધાવ્યો. આ બાબતે અનેક રજૂઆત કરવા છતા પાઈપલાઈનનો નિકાલ ન કરવામાં આવતા ગામના 180 મતદાતાઓએ મતદાનનો બહિષ્કાર કર્યો છે.

મહત્વનું છે કે ગામમાં 180 મતદાતાઓ છે. જો કે એક મહિના અગાઉ બાજુના ગામના ખેડૂત દ્વારા ગામમાં ગેરકાયદે પાઈપલાઈન નાખવા માટે ખોદકામ કરવામાં આવ્યુ છે. જેના કારણે ગામના રસ્તાઓની હાલત ખખડધજ થઈ ગઈ છે. અનેક રજૂઆતો થતા પણ ગેરકાયદે પાઈપલાઈન અને ખરાબ રસ્તાનું કોઈ નિરાકરણ આવ્યુ નથી. ત્યારે ગ્રામજનોની માગ છે કે તંત્ર તેમની સમસ્યાઓનો ઉકેલ લાવશે તો જ તેઓ લોકશાહીની પ્રક્રિયામાં ભાગ લેશે.

Input Credit- Divyesh Vayeda- Jamnagar

અમદાવાદથી મતદાન કરવા સુરત આવેલા વૃદ્ધનું નામ કમી થતા રોષ, “મને જીવતા જીવ જ મારી નખાયો” વૃદ્ધની વેદના – Video