અમદાવાદમાંથી વધુ એકવાર નશાકારક સિરપનો જથ્થો ઝડપાયો છે. અમદાવાદ ગ્રામ્ય પોલીસની SOG ટીમને એક બાતમી મળી હતી. બાતમીને આધારે ટીમ દ્વારા એક રિક્ષાને વટામણ ચોકડી પાસે અટકાવીને તલાશી લેતામાંથી નશાકારક કોડિન યુક્ત કફ સિરપનો જથ્થો હાથ લાગ્યો હતો. પોલીસે રિક્ષા અને સિરપનો જથ્થો જપ્ત કરીને કાર્યવાહી હાથ ધરી છે.
પોલીસે તપાસ કરતા આ જથ્થો સુભાનપુરાથી લઈ અવાતો હોવાનું સામે આવ્યુ છે. 590 નંગ કફ સિરપની બોટલો સહિત 2 શખ્શોની પોલીસે અટકાયત કરી છે. કોડિન યુક્ત સિરપનો જથ્થો ક્યાં અને કોને પહોંચાડવાનો હતો એ દિશામાં તપાસ શરુ કરવામાં આવી છે. આમ અમદાવાદમાંથી વધુ એકવાર નશાકારક સિરપનો જથ્થો હાથ લાગ્યો છે.