Good News : દિવાળી પહેલા ST કર્મચારીઓ માટે ખુશીના સમાચાર સામે આવ્યા છે. રાજ્ય સરકારે ST કર્મચારીઓના મોંઘવારી ભથ્થામાં વધારો જાહેર કર્યો છે. મળતી માહિતી અનુસાર રાત-દિવસ પોતાની ફરજને પ્રાધાન્ય આપતા નિગમન કર્મચારીઓને મોંઘવારી ભથ્થામાં 4 ટકાનો વધારો કરાયો છે.
માનનીય મુખ્યમંત્રી શ્રી @Bhupendrapbjp જીના માર્ગદર્શન હેઠળ રાજ્ય સરકાર દ્વારા એસ.ટી. નિગમના કર્મચારીઓને વર્તમાન સમયમાં ચૂકવવામાં આવતા મોંઘવારી ભથ્થામાં ❹% નો વધારો કરી હવેથી ❹❻% મુજબ મોંઘવારી ભથ્થા સહિત હાલ ચૂકવાતા ભથ્થાના એરિયર્સ પણ ચૂકવવાનો સંવેદનશીલ નિર્ણય સ્વાગત યોગ્ય છે.…
— Harsh Sanghavi (@sanghaviharsh) September 20, 2024
તેમજ ગૃહ પ્રધાન હર્ષ સંઘવીએ 46 ટકા મુજબ મોંઘવારી ભથ્થા સહિત એરિયર્સ ચૂકવવાનો નિર્ણય રાજ્ય સરકાર દ્વારા લેવામાં આવ્યો છે. આ સમગ્ર માહિતી ગૃહ પ્રધાન હર્ષ સંઘવીએ ટ્વિટર પર ટ્વિટ કરીને આપી છે. રાજ્યના નિગમ વિભાગના કર્મચારીઓને અંદાજિત 125 કરોડ રુપિયાનો લાભ થશે. બીજી તરફ આ અગાઉ એસ.ટી. નિગમના કર્મચારીઓએ આશરે 11 મહિના પહેલા મોંઘવારી ભથ્થામાં વધારો કરવામાં માટે વિરોધ પ્રદર્શન કર્યો હતો.