Surat: વધુ એકવાર સુરતમાં દારૂબંધીના લીરેલીરા ઉડાડતા દૃશ્યો સામે આવ્યા. મરીન પોલીસ મથકના ASI જ દારૂના નશામાં રાંદેર પોલીસ મથકમાં હોબાળો કરતા જોવા મળ્યા. ASI નો પીધેલ હાલતમાં હંગામો કરતો વીડિયો વાયરલ થતા રાંદેર પોલીસે કાયદેસરની કાર્યવાહી કરી છે.
મળતી માહિતી મુજબ સુરતના રાંદેર પોલીસ મથકમાં બુધવારે રાતે પોલીસકર્મીઓ ફરજ બજાવતા હતા ત્યારે 10.30 વાગ્યાના અરસામાં ત્રણ યુવાનો પોલીસ મથકમાં પ્રવેશ્યા હતા અને ફરિયાદ બાબતે પૂછપરછ કરતા તે ઉશ્કેરાઈ ગયો હતો. અને મોબાઈલમાં વીડિયો રેકોર્ડીંગ કરવાનું શરૂ કર્યું હતું. જેથી પોલીસકર્મીઓએ તેને વીડિયો રેકોર્ડીંગ નહિ કરવા જણાવતા ગેરવર્તન કર્યું હતું.
દરમ્યાન મરીન પોલીસ મથકમાં ASI તરીકે ફરજ બજાવતા સુરેશભાઈ ગોમાનભાઈ અને તેની પત્ની અને દીકરી પણ પોલીસ મથકે દોડી આવ્યા હતા અને ASI બુમાબુમ કરી હતી, દરમ્યાન PSI એચ.એન પરમારે ત્યાં આવીને તેઓને સમજાવવા છતાં માન્યા ન હતા અને હું પોલીસ વાળો છું અને તમને બધાને જોઈ લઈશ તેમ કહી હોબાળો મચાવ્યો.
આ પણ વાંચો: Breaking News: વિધાનસભા ગૃહમાં OBC અનામત બિલ રજૂ કરાયુ, કેબિનેટ મંત્રી ઋષિકેશ પટેલે રજૂ કર્યો પ્રસ્તાવ
આ ઘટનાની જાણ રાંદેર પી.આઈ. ને પણ કરવામાં આવી હતી. આ દરમ્યાન PSI બી.એસ.પરમાર ત્યાં આવી ગયા હતા અને ASI.ને સમજાવવાની કોશિશ કરી હતી અને PSIએ તમે પીધેલા છો તમારા વિરુદ્ધ કાયદેસરની કાર્યવાહી કરવામાં આવશે તેમ કહેતા ‘તારાથી થાય તે કેસ કરી લે’ તેમ કહ્યું હતું. આખરે આ સમગ્ર મામલે રાંદેર પોલીસે ASI સુરેશભાઈ ગોમાનભાઈ ચૌહાણ વિરુદ્ધ પ્રોહી.એક્ટની કલમ 66[1][B] મુજબ ગુનો નોંધી તેની સામે કાયદેસરની કાર્યવાહી હાથ ધરી હતી
સુરત સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો