આજનું હવામાન : ગુજરાત પર વરસાદની ત્રણ સિસ્ટમ સક્રિય, 48 કલાક અતિ ભારે, માછીમારોને દરિયો ન ખેડવાની સૂચના, જુઓ Video

ગુજરાતમાં આ વર્ષે મેઘરાજા કંઇ અલગ જ કરવાના મુડમાં છે. જુલાઇ મહિનાના હજુ તો માત્ર 6 દિવસથી જ ત્યાં છે. ત્યાં 40 ટકા કરતા વધુ વરસાદ વરસી ગયો છે. અને હજુ પણ ધોધમાર વરસાદ વરસવાની આગાહી હવામાન વિભાગ દ્વારા કરવામાં આવી છે.

આગામી 48 કલાક અતિ ભારે

લાગે છે કે આ વર્ષે મેઘરાજા ગુજરાતને બરાબર ધમરોળવા માંગે છે. જેથી જ્યારથી ચોમાસાની શરૂઆત થઇ છે, ત્યારથી લઇને આજ સુધી ગુજરાતના અલગ અલગ જિલ્લામાં મુશળધાર વરસાદ જોવા મળી રહ્યો છે અને હવામાન વિભાગે હજુ ગુજરાત માટે 48 કલાક અતિ ભારે હોવાની આગાહી કરી છે.

આગામી 5 દિવસ ભારે વરસાદની આગાહી

હવામાન વિભાગે આગામી 5 દિવસ ભારે વરસાદની આગાહી કરી છે. ઉત્તર મધ્ય અને દક્ષિણ ગુજરાતમાં ગાજવીજ સાથે વરસાદ વરસવાની આગાહી કરી છે. સૌરાષ્ટ્ર કચ્છમાં આગામી 48 કલાક અતિ ભારે વરસાદ થઈ શકે છે. હાલમાં 3 સિસ્ટમ સક્રિય થતા ભારે વરસાદ થવાની આગાહી છે. આગામી 5 દિવાસળી માછીમારોને દરિયો ન ખેડવાની સૂચના આપવામાં આવી છે. સાથે જ હવામાન વિભાગે માહિતી આપી છે કે 45 થી 55 કિ.મી.ની ઝડપે પવન ફૂંકાશે. તો અમદાવાદ અને ગાંધીનગર ગાજવીજ સાથે હળવાથી મધ્યમ વરસાદની શકયતા દર્શાવી છે.

મહત્વનું છે કે છેલ્લા 24 કલાકમાં દક્ષિણ ગુજરાતમાં મેઘરાજાએ ખુબ જ તોફાની બેટિંગ કરી છે. સુરત સહિત દક્ષિણ ગુજરાતના અનેક જિલ્લાઓ હાલ તરબોળ જોવા મળી રહ્યા છે..જળબંબાકાર જોવા મળી રહ્યા છે. જો કે માત્ર દક્ષિણ ગુજરાત જ નહીં પરંતુ કચ્છ, મધ્ય ગુજરાત અને ઉત્તર ગુજરાતના જિલ્લાઓમાં હાલ મુશળધાર મહેર થઇ રહી છે અને હજુ તો આગામી 7 દિવસ સુધી આવી રીતે જ ગુજરાતને મેઘરાજા બાનમાં લેશે.

ગુજરાતભરના તમામ જિલ્લાના સમાચાર વાંચવા માટે અહીં ક્લિક કરો