Gujarat Weather Forecast: આજે મધ્ય ગુજરાત સહિત રાજ્યના અનેક વિસ્તારોમાં ભારે વરસાદની સંભાવના, જુઓ Video

Monsoon 2023 : હવામાન વિભાગ અનુસાર આજે સોમવારે મધ્ય ગુજરાતમાં ભારે વરસાદની આગાહી કરવામાં આવી છે. હવામાન વિભાગે આગામી બે દિવસ વરસાદની આગાહી કરવામાં આવી છે. આજે રાજ્યભરમાં ભારે વરસાદ પડે તેવી સંભાવના વ્યક્ત કરવામાં આવી છે. બંગાળની ખાડીમાં લો પ્રેશર સિસ્ટમ બની છે, જેના કારણે આજે રાજ્યમાં વરસાદી માહોલ જોવા મળે તેવી સંભાવના છે.

આ પણ વાંચો : Monsoon 2023 : ગુજરાતના 207 જળાશયમાં 74.24 ટકા જળસંગ્રહ, નર્મદા ડેમ 77.47 ટકા ભરાતા ખેડૂતોમાં ખુશીનો માહોલ, જૂઓ Video

મધ્ય ગુજરાતમાં ભારે વરસાદની સંભાવના વ્યક્ત કરવામાં આવી છે. જેમાં ગાંધીનગર, અમદાવાદ, આણંદ, પંચમહાલ, દાહોદ, મહીસાગરમાં વરસાદની આગાહી વ્યક્ત કરવામાં આવી છે. તો સુરેન્દ્રનગર, ભાવનગર અને બોટાદમાં ગાજવીજની શક્યતા છે. તો બીજી તરફ આજે સોમવારે ડાંગ, નર્મદા, છોટાઉદેપુર, નવસારી, વલસાડ, દમણ, દાદરા અને નગર-હવેલીમાં ભારે વરસાદની સંભાવના વ્યક્ત કરવામાં આવી છે. આ સાથે જ બીજી તરફ સૌરાષ્ટ્ર-કચ્છમાં હળવાથી મધ્યમ વરસાદની આગાહી વ્યક્ત કરવામાં આવી છે.

રાજ્યમાં કેટલુ રહેશે તાપમાન

હવામાન વિભાગની આગાહી અનુસાર આજે સોમવારે અમદાવાદ, અમરેલી, આણંદ, ગાંધીનગર, મહીસાગર, મોરબી, તાપી સહિતના જિલ્લાઓમાં 32 ડિગ્રી તાપમાન રહે તેવી સંભાવના છે. તો આ તરફ અરવલ્લી, બનાસકાંઠા, ભરુચ સહિતના જિલ્લાઓમાં 31 ડિગ્રી તાપમાન રહે તેવી સંભાવના છે. તો બીજી તરફ ભાવનગર, બોટાદ, કચ્છ અને સાબરકાંઠા જિલ્લામાં 33 ડિગ્રી તાપમાન રહે તેવી સંભાવના છે. તો પાટણ અને ગીર સોમનાથમાં 29 ડિગ્રી તાપમાન રહે તેવી સંભાવના છે.

હવામાન અને ગુજરાતના તમામ જિલ્લાના સમાચાર વાંચવા માટે અહીં ક્લિક કરો