Breaking News : વાતાવરણમાં પલટો, ગુજરાતમાં ત્રણ સક્રિય સિસ્ટમ્સ છતાં ભારે વરસાદ નહીં, જુઓ નવી આગાહી

ગુજરાત રાજ્યમાં હાલ ત્રણ સક્રિય હવામાન સિસ્ટમ્સ હોવા છતાં આગામી સાત દિવસ માટે ભારે વરસાદની શક્યતા નહિવત્ છે, તેમ હવામાન વિભાગે જણાવ્યું છે. મોન્સૂન ટ્રફ, વેસ્ટર્ન ડિસ્ટર્બન્સ અને ઉત્તર-પૂર્વ અરબી સમુદ્ર પર બનેલી અન્ય ટ્રફ સિસ્ટમ સહિત આ ત્રણ સિસ્ટમ્સ સક્રિય છે. આ સિસ્ટમ્સને કારણે ગુજરાતમાં છૂટોછવાયો અને હળવાથી મધ્યમ વરસાદ થવાની આગાહી કરવામાં આવી છે.

વરસાદની વર્તમાન સ્થિતિને જોતાં, રાજ્યમાં હજુ પણ વરસાદની ઘટ નોંધાઈ છે. સમગ્ર ગુજરાત રાજ્યમાં હાલ 16 ટકા વરસાદની ઘટ જોવા મળી રહી છે. આ ઉપરાંત, સૌરાષ્ટ્ર-કચ્છ રિજનમાં 37 ટકા જેટલી નોંધપાત્ર વરસાદની ઘટ અનુભવાઈ રહી છે. આ પરિસ્થિતિ ખેડૂતો અને સામાન્ય જનજીવન માટે ચિંતાનો વિષય છે.

હવામાન વિભાગ દ્વારા જાહેર કરાયેલી માહિતી અનુસાર, એક ટ્રફ લાઇન શ્રી ગંગાનગરથી પસાર થઈ રહી છે. બીજી એક ટ્રફ સિસ્ટમ ઉત્તર-પૂર્વ અરબી સમુદ્રથી થઈને ઝારખંડ તરફ આગળ વધી રહી છે. ત્રીજી સિસ્ટમ વેસ્ટર્ન ડિસ્ટર્બન્સ છે જે 64 ડિગ્રી પૂર્વ રેખાંશ અને 32 ડિગ્રી ઉત્તર અક્ષાંશ પર બનેલી છે. જોકે, આ સિસ્ટમ્સ સક્રિય હોવા છતાં ગુજરાતમાં આગામી એક અઠવાડિયા સુધી ભારે વરસાદની કોઈ ચેતવણી નથી.

ભારતના અનેક શહેરોની માફક નવસારીમાં પણ રખડતા પશુઓનો ત્રાસ, સમસ્યાનો હલ ક્યારે ?