Gujarati video : બાપુનગરમાં આવેલા વિકાસ એસ્ટેટની આગમાં 25 દુકાન સ્વાહા, 8 લોકો ઇજાગ્રસ્ત, સમગ્ર મામલે FSL કરશે તપાસ
Ahmedabad News : આગમાં 8 લોકો ઈજાગ્રસ્ત થયા છે. સાથે જ ફાયરના 2 જવાનો પણ દાઝ્યા છે. ભીષણ આગને પગલે એકસાથે 25 દુકાન સળગી ગઈ હતી.
અમદાવાદના (Ahmedabad) બાપુનગરમાં આવેલા વિકાસ એસ્ટેટની આગમાં મોટાપાયે નુકસાન થયુ છે. આગમાં 8 લોકો ઈજાગ્રસ્ત થયા છે. સાથે જ ફાયરના 2 જવાનો પણ દાઝ્યા છે. ભીષણ આગને પગલે એકસાથે 25 દુકાન સળગી ગઈ હતી. ત્યાપે આગની સમગ્ર ઘટનામાં પોલીસ FSLની મદદ લઈ તપાસ શરૂ કરશે. FSL રિપોર્ટ બાદ કાર્યવાહી થશે.
એસ્ટેટમાં મોટા ભાગની ફટાકડાની દુકાનો છે. આગ લાગી એ વિકાસ એસ્ટેટમાં 180 ગોડાઉન છે. 180 પૈકી 40 ગોડાઉનમાં ફટાકડાની દુકાનો છે. 40 પૈકી માત્ર 13 પાસે જ અધિકૃત લાયસન્સ છે. બાકીના ગોડાઉન વગર લાયસન્સે જ ધમધમી રહ્યા હતા. એસ્ટેટમાં મોટા ભાગના ગોડાઉન ગેરકાયદે હોવાના સ્થાનિકોએ આક્ષેપ કર્યા હતા. ગોડાઉનમાં જરૂર કરતાં વધુ ફટાકડાનો સ્ટોક રાખ્યા હોવાની પણ ચર્ચા છે. વિકાસ એસ્ટેટના સભ્ય દિપક પટેલે પોલીસ અને મનપા તંત્ર પર ગંભીર આક્ષેપ કર્યા હતા.
બાપુનગરના અનિલ સ્ટાર્ચના વિકાસ એસ્ટેટમાં ફટાકડાના ગોડાઉનમાં અગમ્ય કારણોસર અગનજ્વાળા ભભૂકી હતી.આગ એટલી ગંભીર હતી કે એને બુઝાવવા માટે અમદાવાદ ફાયરબ્રિગેડની 23થી વધુ ગાડીઓ કામે લાગી હતી. સ્ટેન્ડિંગ કમિટીના ચેરમેન હિતેશ બારોટે જણાવ્યું કે સમગ્ર ઘટનામાં તપાસ થશે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો