અમદાવાદમાં ફાયર વિભાગની ‘મોટી તવાઈ’, NOC વગર ચાલતી 37 હોટલ સામે સીલિંગની કાર્યવાહી – જુઓ Video

અમદાવાદ શહેરમાં ફાયર વિભાગ દ્વારા હોટલો સામે કડક તવાઈ બોલાવવામાં આવી છે. શહેરના મોટેરા, સાબરમતી અને ચાંદખેડા વિસ્તારની હોટલોમાં ફાયર વિભાગ દ્વારા સઘન તપાસ હાથ ધરવામાં આવી હતી. આ તપાસ દરમિયાન ફાયર NOC (No Objection Certificate) વગર ધમધમતી હોટલો વિરૂદ્ધ તંત્ર દ્વારા કાયદેસરની કાર્યવાહી શરૂ કરવામાં આવી છે.

તંત્ર દ્વારા અગાઉ 7 જૂન અને 18 જૂનના રોજ આ હોટલોને નોટિસ આપવામાં આવી હતી. તેમ છતાંય ફાયર સેફ્ટીના નિયમોનું પાલન ન કરાતા 37 જેટલી હોટલને નોટિસ આપ્યા બાદ હવે સીલિંગની પ્રક્રિયા શરૂ કરી દેવામાં આવી છે.

આ અંતર્ગત ચાંદખેડા વિસ્તારની 4 હોટલને ફાયર વિભાગ દ્વારા સીલ મારી દેવાયું છે. ફાયર પ્રિવેન્શન એક્ટ હેઠળ ફાયરના જરૂરી સાધનો ન હોવાને કારણે આ હોટલો સામે પગલાં લેવાયા છે. હાલમાં ફાયર વિભાગ અને AMC એસ્ટેટ વિભાગ દ્વારા સંયુક્ત રીતે આ સીલિંગની કામગીરી કરવામાં આવી રહી છે.

પીવાનું પાણી ન આપી શકતું ‘તંત્ર’ કયા મોઢે વિકાસની વાતો કરે છે? દાયકાઓ જૂની સમસ્યાથી જનતા ત્રસ્ત, મહિલાઓએ ઉપાડ્યો મોરચો