કેરળમાં તો ચોમાસાનું આગમન થઇ ચૂક્યું છે.હવામાન વિભાગની આગાહી અનુસાર ગુજરાત તરફ આગેકૂચ કરી રહ્યું છે. ત્યારે હવામાન વિભાગની આગાહીને લઇ સુરતનું તંત્ર અત્યારથી જ એક્શનમાં આવી ગયું છે.દક્ષિણ ગુજરાત સહિત સુરત જિલ્લાના દરિયાકાંઠામાં 40 કિમીની ઝડપે પવન ફૂંકાવાની સંભાવના છે. જેને લઇ સુરત પોલીસે લોકોની સાવચેતી માટે જાહેરનામું પ્રસિદ્ધ કર્યું છે.
આ મુજબ, 1થી 7 જૂન સુધી ડુમસ અને સુવાલી બીચ પ્રવાસીઓ માટે બંધ કરી દેવામાં આવ્યો છે. આ ઉપરાંત સાગર ખેડૂઓ અને માછીમારોને પણ દરિયામાં નહીં જવા સૂચના અપાઇ છે. જાહેરનામાનો ભંગ ન થાય તે માટે બંને બીચ પર પોલીસના જવાનો પણ તૈનાત કરી દેવાયા છે.હાલમાં કોઇ પણ સહેલાણીઓને પ્રવેશ આપવામાં આવી રહ્યો નથી.