અમદાવાદના ચાંદલોડિયા વિસ્તારમાં શ્વાનને મોટરસાઇકલ પાછળ બાંધી રસ્તા પર ઢસડીને, મારી નાખ્યો, જુઓ Video

અમદાવાદના ચાંદલોડિયા વિસ્તારમાં એક ચોંકાવનારી ઘટના સામે આવી છે, જ્યાં એક શ્વાન સાથે ક્રૂરતા આચરવામાં આવી હતી. આ ઘટનામાં એક યુવકે શ્વાનને બાઇક સાથે બાંધીને રસ્તા પર ઢસડ્યો, જેના કારણે તેનું મૃત્યુ થયું. આ ઘટના અંગે સોલા પોલીસ સ્ટેશનમાં ફરિયાદ નોંધાઈ છે.

સોલા પોલીસ સ્ટેશનમાં નોંધાયેલી ફરિયાદ મુજબ, રમેશ હરગોવન પટેલ (ઉંમર- 39) નામના યુવકે એક શ્વાનને બાઇક સાથે બાંધી દીધો હતો. ત્યારબાદ તે શ્વાનને નિર્દયતાથી રસ્તા પર ઢસડીને લઈ ગયો, જેના કારણે તેને ગંભીર ઇજાઓ થઈ અને તેનું મૃત્યુ થયું.

આ કૃત્ય બાદ, શ્વાનના મૃતદેહને વિશ્વકર્મા બ્રિજ નીચે ફેંકી દેવાયો હતો. આ સમગ્ર ઘટના અંગે પ્રાણીઓ પ્રત્યે ક્રૂરતા આચરવા બદલ રમેશ પટેલ સામે કાયદેસરની કાર્યવાહી કરવામાં આવી છે. આ ઘટનાએ પશુપ્રેમીઓમાં ભારે રોષ ફેલાવ્યો છે.