મહાઠગ કિરણ પટેલ મામલે ક્રાઇમ બ્રાન્ચે તપાસ તેજ કરી છે. કિરણ પટેલના અમદાવાદના ઘોડાસર સ્થિત ઘરે પહોંચીને ક્રાઇમ બ્રાન્ચની ટીમે તપાસ કરી છે. કિરણ પટેલને સાથે રાખીને ક્રાઇમ બ્રાન્ચે પ્રેસ્ટીજ બંગલોમાં સર્ચ હાથ ધર્યુ હતુ. સાથે જ બેંક એકાઉન્ટ સહિતના દસ્તાવેજોની પણ તપાસ કરવામાં આવી રહી છે. પોલીસ દ્વારા ઠગબાજના અન્ય વ્યવહારોની પણ તપાસ કરવામાં આવી રહી છે.
મહાઠગ કિરણ પટેલની ધરપકડ કર્યા બાદ કોર્ટે ક્રાઇમ બ્રાંચને તેના 8 દિવસવના રિમાન્ડ આપ્યા છે. ત્યારે કિરણ પટેલની એક પછી એક પુછપરછ કરવામાં આવી રહી છે. અમદાવાદના ઘોડાસરમાં આવેલા કિરણ પટેલના પ્રેસ્ટીજ નામના બંગલોમાં ક્રાઇમ બ્રાંચ દ્વારા આજે તપાસ હાથ ધરવામાં આવી હતી. આ બંગલોમાં કિરણ પટેલ છેલ્લા ઘણા સમયથી રહેતો હતો.
આ ઘરમાં ક્રાઇમ બ્રાંચે કિરણ પટેલને લઇને તેના ઘરમાં દસ્તાવેજોની તપાસ હાથ ધરી હતી. સાથે જ કિરણ પટેલના બેંક સ્ટેટમેન્ટની પણ તપાસ કરવામાં આવશે. તેના બેંક સ્ટેટમેન્ટના આધારે તે કઇ રીતે ટ્રાન્જેક્શન કરતો હતો તેની તપાસ કરવામાં આવી રહી છે. જો કે પ્રાથમિક તપાસમાં ક્રાઇમ બ્રાંચને હજુ સુધી કિરણના બેંક અકાઉન્ટમાંથી લાખો રુપિયાનું કોઇ ટ્રાન્જેક્શન મળી આવ્યુ નથી. આમ છતા કિરણ પટેલને લઇને તમામ દિશામાં તપાસ ચાલી રહી છે.
મહત્વનું છે કે સિંધુભવન રોડ પરનો બંગલો પચાવવાના કેસમાં કિરણ પટેલના 15 એપ્રિલ સાંજે 5 વાગ્યા સુધીના રિમાન્ડ મંજૂર થયા છે. નકલી દસ્તાવેજ અને બંગલાના રિનોવેશન ખર્ચ અંગેની તપાસ માટે ક્રાઈમ બ્રાંચે રિમાન્ડ માગ્યા હતા. અગાઉ આજ કેસમાં કિરણ પટેલના પત્નીની ધરપકડ કરાઈ હતી.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…