Rain News : સુરતમાં સતત બીજા દિવસે વરસાદ યથાવત, ખાડીના પાણી રસ્તા પર ફરી વળ્યા પાણી, જુઓ Video

સુરતમાં સતત બીજા દિવસે પણ વરસાદ યથાવત છે. શહેરમાંથી પસાર થતી ખાડી બે કાંઠે વહેતી થઈ છે. ધોધમાર વરસાદ ખાબક્તા રસ્તા પર પાણી ફરી વળ્યા હતા. પુણાગામ પર્વત ગામ રોજ પર પાણી ભરાતા હાલાકી થઈ છે. હજુ પણ સુરતના અનેક વિસ્તારોમાં ઘુંટણસમા પાણી ભરાયેલા છે.

પાલિકાની બેદરકારીને કારણે પાણી ભરાવવાની સમસ્યા જોવા મળી છે. મુખ્ય માર્ગો પર પાણી ભરાયેલા હોવાથી લોકોમાં રોષ જોવા મળ્યો છે. ધોધમાર વરસાદને કારણે રસ્તાઓ પાણીમાં ગરકાવ થયા છે. પર્વત ગામથી ડિંડોલી તરફનો રોડ બંધ કરવામાં આવ્યો છે. રોડની બંન્ને બાજુ પાણી ભરાતા વાહન વ્યવહાર ખોરવાયો છે. વરસાદને કારણે પેટ્રોલ પંપમાં પણ પાણી ભરાયા છે.

સુરતમાં છેલ્લા 24 કલાકમાં 13.6 ઈંચ વરસાદ વરસ્યો

ઉલ્લેખનીય છે કે સુરતામાં ભારે વરસાદ ખાબકતા ટેક્સટાઈલ માર્કેટમાં ભારે નુકસાન થયું છે. સુરતમાં છેલ્લા 24 કલાકમાં 13.6 ઈંચ વરસાદ ખાબક્યો છે. કામરેજમાં 10.6 ઈંચ વરસાદ પડ્યો છે. ત્યારે પલસાણામાં 8.1 ઈંચ વરસાદ વરસ્યો છે. બારડોલીમાં છેલ્લા 24 કલાકમાં 6.5 ઈંચ વરસાદ નોંધાયો છે. 33 તાલુકામાં 2 ઈંચ વરસાદ ખાબક્યો છે. જ્યારે 72 તાલુકામાં 1 ઈંચ વરસાદ નોંધાયો છે.

રાજ્યમાં આગામી 7 દિવસ ધોધમાર વરસાદ રહેશે. હવામાન વિભાગની ભારેથી અતિ ભારે વરસાદની આગાહી કરી છે. ગાંધીનગર, અમદાવાદ, અરવલ્લી, મહીસાગર, ખેડામાં યલો એલર્ટ આપવામાં આવ્યુ છે. આણંદ, પંચમહાલ, દાહોદ, વડોદરા, ભરૂચમાં ભારે વરસાદીની આગાહી છે. સૌરાષ્ટ્ર-કચ્છના વિસ્તારોમાં પણ વરસાદનું યલો એલર્ટ છે.