આજનું હવામાન : ગુજરાતમાં ગાજવીજ અને ભારે પવન સાથે વરસાદની આગાહી, જુઓ Video

હવામાન વિભાગની આગાહી અનુસાર રાજ્યમાં વરસાદી માહોલ રહે તેવી શક્યતા છે. રાજ્યમાં આગામી 5 દિવસ ગાજવીજ અને ભારે પવન સાથે વરસાદની શક્યતા છે. હવામાન વિભાગની આગાહી અનુસાર ઉત્તર ગુજરાત, મધ્ય ગુજરાત અને દક્ષિણ ગુજરાતમાં ભારે વરસાદ પડી શકે છે.

આ ઉપરાંત બનાસકાંઠા, સાબરકાંઠા, અરવલ્લી, પાટણ, મહેસાણામાં વરસાદની સંભાવના છે. જ્યારે ખેડા, પંચમહાલ, મહીસાગર, દાહોદ, છોટાઉદેપુરમાં વરસાદની શક્યતા છે. તેમજ વડોદરા ,ભરૂચ, નર્મદા, સુરત, વલસાડ, નવસારી, તાપી, ડાંગમાં પણ વરસાદનું અનુમાન છે.જ્યારે કે અમદાવાદમાં ગાજવીજ સાથે સામાન્ય વરસાદની હવામાન વિભાગે આગાહી કરી છે.

અંબાલાલ પટેલે ભારે વરસાદની કરી આગાહી

હવામાન નિષ્ણાત અંબાલાલ પટેલના જણાવ્યા મુજબ 18 થી 20 જુલાઇ એટલે કે સપ્તાહના અંતે વરસાદ વિરામ લઇ શકે છે. આ સમયગાળા દરમિયાન વરસાદની શક્યતા ઓછી છે. જો કે 26 થી 30 જુલાઇ બંગાળની ખાડીમાં વરસાદી સિસ્ટમ સક્રિય થશે. જેના કારણે રાજ્યના કેટલાક ભાગોમાં ભારેથી અતિ ભારે વરસાદની શક્યતા છે. જેમાં મહીસાગર, પંચમહાલ, અરવલ્લી, દાહોદ, સાબરકાંઠા, અમદાવાદ, ગાંધીનગરમાં ભારે વરસાદ વરસી શકે છે.