ખેડાના નડિયાદના શ્રેયસ ગરનાળામાં કાર ફસાઈ હોવાની ઘટના બની હતી. ભારે વરસાદના કારણે નડિયાદના શ્રેયસ ગરનાળા નીચેથી પસાર થતી કાર પાણીમાં ફસાઈ હતી. કારમાં બે વ્યક્તિઓ સવાર હતા. કારને બહાર કાઢવા માટે ક્રેનની મદદ લેવામાં આવી. કારમાં સવાર બન્ને વ્યક્તિઓ સહી સલામત બહાર નીકળી ગયા.
મહત્વનુ છે કે ખેડા કડાણા ડેમમાંથી પાણી છોડાતા મહીસાગર નદી બે કાંઠે થઈ છે. વણાકબોરી વિયરમાંથી 7 લાખ ક્યૂસેક પાણી છોડાયું. ખેડા, વડોદરા, આણંદના કાંઠાના ગામડાઓન એલર્ટ પર છે. મહિસાગર નદી ઉપરનો ગળતેશ્વર બ્રિજ બંધ કરાયો છે. ગળતેશ્વર મામલતદાર, પોલીસ અને વહીવટીતંત્ર ખડેપગે છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો