રાજસ્થાન તરફથી એક દારુ ભરેલી ફોર્ચ્યુનર કાર બનાસકાંઠા જિલ્લામાં પ્રવેશી હોવાની વિગતોને લઈ એલસીબીની ટીમ દ્વારા તેને ઝડપવા માટે પ્રયાસ કર્યો હતો. એલસીબીની ટીમે તેને ઝડપી લેવા માટે થઈને પીછો કર્યો હતો. જોકે પોલીસથી બચવા માટે કારને પૂરપાટ ઝડપે પાલનપુર અમદાવાદ હાઇવે પર દોડાવી મુકી હતી. આ દરમિયાન કાર ડમ્પરને અથડાઇ જતા કાર ચાલક અને તેની સાથેનો કો-ડ્રાઇવર સ્થળ પરથી અંધારાનો લાભ લઇને ભાગી છૂટ્યા હતા.
અકસ્માતને પગલે પાલનપુર અમદાવાદ હાઇવે પર દારુની રેલમછેલ થઈ ગઇ હતી. તો હાઇવે પર ટ્રાફિક જામના દ્રશ્યો સર્જાઇ ગયા હતા. હોળી અને ચૂંટણીને લઈ દારુની હેરાફેરી કરનારાઓની પ્રવૃત્તિઓ વધી જવાને લઈ પોલીસ દ્વારા બોર્ડર વિસ્તારમાં સતર્કતા વધારવામાં આવી છે.
Published On - 9:18 am, Sat, 23 March 24