સુરતના શ્યામ સંગીની માર્કેટમાં લાગેલી ભીષણ આગ મામલે એક ચોંકાવનારો ઘટસ્ફોટ થયો છે. પ્રાથમિક દ્રષ્ટિએ અકસ્માત લાગતી આ ઘટના વાસ્તવમાં કોઈ મોટું પૂર્વ આયોજિત ષડયંત્ર હોવાનું સામે આવ્યું છે. માર્કેટના CCTV કેમેરા તપાસતાં સમગ્ર હકીકત બહાર આવી છે. ફૂટેજમાં મોઢે સફેદ રૂમાલ બાંધેલો એક અજાણ્યો શખ્સ માર્કેટના છઠ્ઠા માળે જ્વલનશીલ પ્રવાહી છાંટીને આગ ચાંપતો સ્પષ્ટપણે નજરે પડે છે. આગ લગાડ્યા બાદ આ શખ્સ ત્યાંથી તરત જ ફરાર થઈ ગયો હતો.

આ ભયાનક આગની લપેટમાં આવી જતાં બિલ્ડિંગ સહિત અંદાજે 17 જેટલી દુકાનો બળીને ખાખ થઈ ગઈ છે. ખાસ કરીને 4 મોટા કાપડ વેપારીઓને આ અગ્નિકાંડમાં આશરે 24 કરોડ રૂપિયાનું તોતિંગ આર્થિક નુકસાન વેઠવાનો વારો આવ્યો છે. પોલીસે સીસીટીવી ફૂટેજના આધારે ગુનો નોંધીને આગ ચાંપનારા અજાણ્યા શખ્સની શોધખોળ તેજ કરી છે.

BRICS Summit Breaking : રાષ્ટ્રપતિ વ્લાદિમીર પુતિન દિલ્હી પહોંચ્યા, આજે PM મોદી સાથે કરશે દ્વિપક્ષીય બેઠક