રશિયાના રાષ્ટ્રપતિ વ્લાદિમીર પુતિન મોડી રાત્રે ત્રણ દિવસીય પ્રવાસે ભારત પહોંચ્યા છે. આ દરમિયાન તેઓ 18મી બ્રિક્સ શિખર પરિષદ (BRICS સમિટ 2026) માં ભાગ લેશે અને પ્રધાનમંત્રી નરેન્દ્ર મોદી સાથે દ્વિપક્ષીય બેઠક કરશે. પુતિન પહેલાં રશિયાના વિદેશ મંત્રી સર્ગેઈ લાવરોવ અને પ્રથમ નાયબ વડાપ્રધાન ડેનિસ મંતુરોવ પણ ભારત પહોંચી ચૂક્યા છે.

રશિયન રાષ્ટ્રપતિ કાર્યાલય ક્રેમલિનના અધિકારી યુરી ઉશાકોવે ગુરુવારે જણાવ્યું હતું કે, શુક્રવારે (આજે) રાષ્ટ્રપતિ પુતિન વાર્ષિક બ્રિક્સ બિઝનેસ ફોરમના પૂર્ણ સત્રને સંબોધિત કરશે. આ સત્ર પરંપરાગત રીતે BRICS સમિટ પહેલાં યોજવામાં આવે છે અને બ્રિક્સ દેશોના વ્યાપારી પ્રતિનિધિઓ વચ્ચે સંવાદ માટેનું એક મહત્વપૂર્ણ મંચ છે.

રાષ્ટ્રપતિ વ્લાદિમીર પુતિનનું ઉષ્માભર્યું સ્વાગત

વિદેશ મંત્રાલયના સત્તાવાર પ્રવક્તા રણધીર જયસવાલે જણાવ્યું કે, 18મી બ્રિક્સ શિખર પરિષદ માટે રશિયાના રાષ્ટ્રપતિ વ્લાદિમીર પુતિનનું ઉષ્માભર્યું સ્વાગત છે. દિલ્હીના પાલમ એરપોર્ટ પર રાજ્ય મંત્રી અને ગોંડાના સાંસદ કે. વી. સિંહે તેમની આગેવાની કરી હતી. ભારત અને રશિયા વચ્ચે બહુઆયામી અને લાંબા સમયથી ચાલી આવતા સંબંધો છે, જે ‘વિશેષ અને વિશેષાધિકૃત વ્યૂહાત્મક ભાગીદારી’ પર આધારિત છે.

#WATCH | Delhi: Russian President Vladimir Putin arrives in India ahead of the BRICS Summit 2026. During his visit, he will also hold talks with PM Narendra Modi and have a series of bilateral meetings. https://t.co/pax5EW70Yu

— ANI (@ANI) September 10, 2026

પ્રધાનમંત્રી નરેન્દ્ર મોદી સાથે થશે મુલાકાત

ઉશાકોવે જણાવ્યું કે આજે જ રશિયન રાષ્ટ્રપતિ પ્રધાનમંત્રી નરેન્દ્ર મોદી સાથે દ્વિપક્ષીય બેઠક કરશે અને બંને દેશોના ઉદ્યોગ તેમજ વેપાર મંત્રાલયો દ્વારા આયોજિત ‘ઈનોપ્રોમ’ (INNOPROM) પ્રદર્શનની પણ મુલાકાત લેશે. તેમણે ઉમેર્યું કે શિખર પરિષદનો મુખ્ય કાર્યક્રમ 12 સપ્ટેમ્બરથી શરૂ થશે, જેમાં બ્રિક્સ નેતાઓની બેઠક યોજાશે.

અનેક આંતરરાષ્ટ્રીય નેતાઓ સાથે યોજશે બેઠક

આ બેઠકમાં ભારતીય અધ્યક્ષતા હેઠળ પ્રસ્તાવિત વિવિધ પહેલો અને રાજનીતિ તેમજ સુરક્ષા, અર્થવ્યવસ્થા તેમજ નાણાં તથા સાંસ્કૃતિક અને માનવીય સંબંધોના ક્ષેત્રમાં બ્રિક્સ વ્યૂહાત્મક ભાગીદારીને વધુ મજબૂત કરવાની શક્યતાઓ પર ચર્ચા કરવામાં આવશે. નેતાઓ વર્તમાન આંતરરાષ્ટ્રીય અને પ્રાદેશિક મુદ્દાઓ પર પણ વિચારોનું આદાન-પ્રદાન કરશે. પુતિન સમિટથી અલગ દક્ષિણ આફ્રિકાના રાષ્ટ્રપતિ સિરિલ રામાફોસા, મલેશિયાના વડાપ્રધાન અનવર ઇબ્રાહિમ અને ઇજિપ્તના રાષ્ટ્રપતિ અબ્દેલ ફતાહ અલ-સીસી સહિત ઘણા આંતરરાષ્ટ્રીય નેતાઓ સાથે બેઠકો પણ કરશે.

MEA Official Spokesperson Randhir Jaiswal tweets, “Warmly welcome President Vladimir Putin of Russia for the 18th BRICS Summit. He was received by MoS and Gonda MP KV Singh at the airport. India and Russia share multifaceted and longstanding ties anchored in Special and Privileged Strategic Partnership.”

— ANI (@ANI) September 10, 2026

પુતિનના ભારત પ્રવાસનો સંપૂર્ણ કાર્યક્રમ

• આજથી 13 સપ્ટેમ્બર સુધી રશિયન રાષ્ટ્રપતિ વ્લાદિમીર પુતિન ભારતના પ્રવાસે રહેશે અને 18મી BRICS સમિટમાં ભાગ લેશે.
• આજે પુતિન BRICS Business Forum ના પ્લીનરી સત્રને સંબોધશે.
• આજે જ પુતિનની પ્રધાનમંત્રી નરેન્દ્ર મોદી સાથે દ્વિપક્ષીય બેઠક યોજાશે.
• પુતિન અને પીએમ મોદી સંયુક્ત રીતે INNOPROM India Exhibition ની મુલાકાત લેશે, જે બંને દેશોના ઉદ્યોગ અને વેપાર મંત્રાલયો દ્વારા આયોજિત કરવામાં આવી છે.
• 12 સપ્ટેમ્બરે BRICS સમિટનો મુખ્ય કાર્યક્રમ શરૂ થશે. BRICS દેશોના નેતાઓની બેઠકમાં ભારતની BRICS અધ્યક્ષતાની પહેલો પર વિચાર-વિમર્શ થશે.
• બેઠકમાં BRICS ની વ્યૂહાત્મક ભાગીદારીને મજબૂત કરવા પર ચર્ચા થશે—ખાસ કરીને રાજકારણ અને સુરક્ષા, અર્થવ્યવસ્થા અને નાણાં તથા સાંસ્કૃતિક અને માનવીય સંબંધોના ક્ષેત્રોમાં.
• નેતાઓ વચ્ચે વર્તમાન આંતરરાષ્ટ્રીય અને પ્રાદેશિક મુદ્દાઓ પર વિચારોનું આદાન-પ્રદાન પણ થશે.
• 13 સપ્ટેમ્બરે Expanded BRICS બેઠક યોજાશે, જેમાં સભ્ય દેશો અને ભાગીદાર દેશોના પ્રતિનિધિમંડળના વડાઓ ઉપરાંત આમંત્રિત દેશો અને આંતરરાષ્ટ્રીય સંગઠનોના વડાઓ ભાગ લેશે.
• સમિટમાં થયેલી મુખ્ય સમજૂતીઓ અને સહમતિઓને આખરી દસ્તાવેજ (Final Document) માં સામેલ કરવામાં આવે તેવી શક્યતા છે.
• ભારત પ્રવાસ દરમિયાન પુતિન અન્ય દેશોના વડાઓ સાથે પણ ઘણી દ્વિપક્ષીય બેઠકો યોજશે.

ચીનના રાષ્ટ્રપતિ જિનપિંગ પણ સમિટમાં થશે સામેલ

ચીનના રાષ્ટ્રપતિ શી જિનપિંગ પણ બ્રિક્સ શિખર પરિષદમાં ભાગ લેવા માટે ભારત આવી રહ્યા છે. છેલ્લા 7 વર્ષમાં આ તેમની પ્રથમ ભારત યાત્રા હશે. તેને વેપાર અને રોકાણને પ્રોત્સાહન આપીને બંને દેશોના સંબંધો સુધારવાની એક મહત્વપૂર્ણ તક તરીકે જોવામાં આવી રહી છે. પ્રધાનમંત્રી મોદી શનિવારે જિનપિંગ સાથે દ્વિપક્ષીય વાટાઘાટો કરશે. આ વાતચીત એવા સમયે યોજાશે જ્યારે વિશ્વ ભૂ-રાજકીય ઉથલપાથલના તબક્કામાંથી પસાર થઈ રહ્યું છે.

અરુણાચલ પ્રદેશ સેક્ટરમાં તણાવ

જિનપિંગનો બે દિવસીય ભારત પ્રવાસ બંને દેશો વચ્ચે તાજેતરમાં થયેલી કેટલીક ઉચ્ચ સ્તરીય બેઠકો બાદ થઈ રહ્યો છે. જેમાં બેઇજિંગમાં રાષ્ટ્રીય સુરક્ષા સલાહકાર (NSA) અજિત ડોભાલ અને ચીની વિદેશ મંત્રી વાંગ યી વચ્ચે વિશેષ પ્રતિનિધિ સ્તરની વાતચીત પણ સામેલ છે. આ મુલાકાત એવા સમયે થઈ રહી છે જ્યારે અરુણાચલ પ્રદેશ સેક્ટરમાં ચીનની આક્રમક સૈન્ય પ્રવૃત્તિઓને લઈને ચિંતાઓ યથાવત છે.

વૈશ્વિક નેતાઓ સાથે અલગ-અલગ દ્વિપક્ષીય વાટાઘાટો

પીએમ મોદી બ્રિક્સ શિખર પરિષદ દરમિયાન રશિયાના રાષ્ટ્રપતિ વ્લાદિમીર પુતિન, ઈરાનના રાષ્ટ્રપતિ મસૂદ પેઝેશ્કિયાન અને અન્ય વૈશ્વિક નેતાઓ સાથે અલગ-અલગ દ્વિપક્ષીય વાટાઘાટો કરશે. પુતિન સાથે બેઠક આજે બપોરે 3:30 વાગ્યે, જ્યારે પેઝેશ્કિયાન સાથે સાંજે 6:15 વાગ્યે નિર્ધારિત છે.

BRICS Summit 2026: નવી દિલ્હીમાં મળશે શી જિનપિંગ અને પુતિન; પીએમ મોદીની કૂટનીતિ પર વિશ્વની નજર