Breaking News : સુરતમાં રાજ ટેકસટાઇલ માર્કેટમાં લાગી ભીષણ આગ, 15થી વધુ ગાડી ઘટના સ્થળે, જુઓ Video

ગુજરાતમાં અવારનવાર આગ લાગવાની ઘટના બનતી હોય છે. ત્યારે સુરતમાં ફરી એક વખત આગ લાગતા અફરાતફરીનો માહોલ સર્જાયો છે. ટેક્ષટાઈલ માર્કેટમાં ફરી એક આગ લાગતા ધુમાડાના ગોટે ગોટા દૂર-દૂર સુધી જોવા મળ્યા હતા. ત્યારે પર્વત પાટિયા વિસ્તારમાં આવેલા રાજ ટેકસટાઇલ માર્કેટમાં આગ લાગી છે. કાપડના માર્કેટમાં આગ લાગતા આગ વધારે વકરી હતી. આજે વહેલી સવારે જ આગ લાગતા કોઈ જાનહાનિ થઈ નથી.

ઉલ્લેખનીય છે કે આગ અચાનક ભુભકી ઉઠતા તાત્કાલિક ધોરણે ફાયર વિભાગને જાણ કરવામાં આવી હતી. જો કે ઘટનાની જાણ થતા જ તાત્કાલિક ધોરણે આગ લાગતા 15થી વધુ ગાડી ઘટના સ્થળે પહોંચી આગ પર કાબૂ મેળવવાનો પ્રયાસ કરી રહી છે. પરંતુ આગ કેવી રીતે લાગી તેનું કારણ અકબંધ છે.