Breaking News: અમદાવાદમાં નવરાત્રીને લઈને જાહેરનામું, રાત્રે 12 બાદ લાઉડસ્પીકર પર પ્રતિબંધ

અમદાવાદમાં નવરાત્રીના તહેવારને ધ્યાનમાં રાખીને 11થી 20 ઓક્ટોબર સુધી જાહેરનામું બહાર પાડવામાં આવ્યું છે. નવરાત્રી દરમિયાન ગરબા અને અન્ય કાર્યક્રમોમાં સાઉન્ડ સિસ્ટમના ઉપયોગને લઈને સમયમર્યાદા અને નોઇઝ પોલ્યુશનના નિયમો નક્કી કરવામાં આવ્યા છે.

રાત્રે 10થી 12 વાગ્યા સુધી લાઉડસ્પીકરની મંજૂરી

જાહેરનામા મુજબ નવરાત્રી દરમિયાન રાત્રે 10થી 12 વાગ્યા સુધી લાઉડસ્પીકર વગાડી શકાશે. જોકે, રાત્રે 12 વાગ્યા બાદ માઇક, લાઉડસ્પીકર અને પબ્લિક એડ્રેસ સિસ્ટમના ઉપયોગ પર સંપૂર્ણ પ્રતિબંધ રહેશે. આયોજકોએ નિર્ધારિત સમયમર્યાદાનું પાલન કરવું પડશે.

નોઇઝ પોલ્યુશનના નિયમોનું પાલન ફરજિયાત

નવરાત્રીના કાર્યક્રમો દરમિયાન સાઉન્ડ સિસ્ટમનો ઉપયોગ કરતી વખતે નોઇઝ પોલ્યુશનના નિયમોનું પાલન કરવું ફરજિયાત રહેશે. ધ્વનિ પ્રદૂષણને લઈને નક્કી કરાયેલી મર્યાદા કરતાં વધુ અવાજ ન થાય તેની જવાબદારી આયોજકોની રહેશે.

હોસ્પિટલ અને શૈક્ષણિક સંસ્થાઓ પાસે પ્રતિબંધ

હોસ્પિટલ અને શૈક્ષણિક સંસ્થાઓની આસપાસ સાઉન્ડ સિસ્ટમ વગાડવા પર પ્રતિબંધ રહેશે. આ ઉપરાંત કોર્ટની આસપાસના સાયલન્સ ઝોનમાં પણ માઇક, લાઉડસ્પીકર કે અન્ય સાઉન્ડ સિસ્ટમના ઉપયોગ પર નિયંત્રણ રહેશે.

નિયમોનો ભંગ કરનાર સામે કાર્યવાહી

નવરાત્રી દરમિયાન આયોજકો અને ગરબા આયોજકોએ જાહેરનામામાં નક્કી કરાયેલા નિયમોનું પાલન કરવાનું રહેશે. ખાસ કરીને રાત્રે 12 વાગ્યા બાદ સાઉન્ડ સિસ્ટમ બંધ રાખવાની રહેશે. નિયમોનો ભંગ થાય તો સંબંધિત તંત્ર દ્વારા કાયદેસરની કાર્યવાહી કરવામાં આવી શકે છે.

આ પણ વાંચો- Breaking News : PM મોદીના જાહેર જીવનના 25 વર્ષ નિમિત્તે ગુજરાતભરમાં 7 ઓક્ટોબરે યોજાશે ‘સેવા જ્યોત યાત્રા’