Breaking News : સુરતના ભાઠા ગામમાં ગુંગળામણથી 3 લોકોના મોત, જાણો શું હતું કારણ

સુરતમાં ફરી એક વાર દુર્ઘટના બની છે. સુરત જિલ્લામાં આવેલા ભાઠા ગામમાં ગુંગળામણથી 3 લોકોના મોત થયા હોવાની ઘટના સામે આવી છે. સામાન્ય રીતે શિયાળામાં ઠંડીમાં તાપણું કરતા સમયે આવી ઘટના બનતી હોય છે. પરંતુ સુરતના ભાઠા ગામમાં ધુમાડાના કારણે 3 લોકોએ જીવ ગુમાવ્યો છે.

ગુંગળામણથી 3 લોકોના મોત

મળતી માહિતી અનુસાર જનરેટરના ધુમાડાને કારણે 3 લોકોને શ્વાસ લેવામાં તકલીફ પડી હતી જેના પગલે તેમનું મૃત્યું થયું છે. રુમમાં જનરેટર ચાલુ રહી જતા ધુમાડો ફેલાયો હતો. જેમાં એક પુરુષ અને 2 મહિલા ગુંગળાઈ જતા મોત નિપજ્યાં હતા.

ઉલ્લેખનીય છે કે સુરતમાં એક રુમમાં જનરેટર ચાલુ રહી જતા ધુમાડો આખા રુમમાં ફેલાઈ ગયો હતો. જેના કારણે એક પુરુષ સહિત 2 મહિલાનું મોત થયું છે. મૃતક ત્રણેય લોકો સિનિયર સિટીઝન હતા. જો કે આ ઘટનાની જાણ પોલીસને થતા પોલીસ તાત્કાલિક ધોરણે ઘટના સ્થળે પહોંચી તપાસ હાથ ધરી હતી. તપાસ માટે પોલીસે FSLની પણ મદદ લીધી છે. પોસ્ટમોર્ટમ રિપોર્ટ આવ્યા બાદ જ મોતનું સાચું કારણ બહાર આવી શકશે.