Breaking News: સુરેન્દ્રનગરમાં ધોળી ધજા ડેમમાં 5 પૈકી 3 બાળકો ડૂબ્યા, 2 બાળકોને સલામત બહાર કઢાયા

સુરેન્દ્રનગરમાં ધોળી ધજા ડેમમાં 5 પૈકી 3 બાળકો ડૂબ્યા છે. આ ત્રણેય બાળકોની શોધખોળ હાથ ધરાઈ છે. બાળકોને શોધવા માટે ફાયર બ્રિગેડની પણ મદદ લેવાઈ રહી છે. ડેમમાં 5 બાળકો ન્હાવા પડ્યા હતા જે પૈકી 2 બાળકોને સલામત બહાર કઢાયા છે, જ્યારે ત્રણ બાળકોની શોધખોળ ચાલી રહી છે. જો કે સૂત્રો દ્વારા મળતી જાણકારી અનુસાર રાત્રે શોધખોળ જોખમી હોવાથી હવે વહેલી સવારે શોધખોળ હાથ ધરાશે. ત્રણેય બાળકો ગરમીના કારણે ડેમમાં ન્હાવા પડ્યા હતા.

રાત હોવાથી ફાયર બ્રિગેડે શોધખોળ બંધ કરી

ઘટનાની જાણ થતા જ સ્થાનિકો અને ફાયર બ્રિગેડની ટીમ ધોળી ધજા ડેમ પહોંચી હતી અને શોધખોળ હાથ ધરી હતી. જો કે રાત હોવાથી અંધકારને કારણે શોધખોળ બંધ કરાઈ હતી. વહેલી સવારે ફરી શોધખોળ કરાશે. સૈની યોજનામાં ડેમ પાણી પૂરો પાડતો હોવાના કારમે 18 ફુટ જેટલો ડેમ ભરેલો છે.

આ પણ વાંચો: જોતજોતામાં 6 જીંદગી બની ગઈ નશ્વર, છતા વડીલથી લઈ યુવાન અને પોલીસથી લઈ પોલિટીકલ વ્યક્તિ ઝઝૂમી જીવન સાટે

ડેમ પાસેથી કિશોરોની ટુવ્હીલર પણ મળી આવ્યા છે. ડેમમાં ડૂબનારા બાળકોમાં તેજસ, શ્રેય અને મહેશ નામના બાળકો સહિત અન્ય બે બાળકો પોતાના એક્ટિવા લઈને ડેમમાં ન્હાવા માટે આવ્યા હતા અને ડૂબી ગયા હતા. બાકીના બે કિશોરો જણાવે છે કે અમે પાંચ મિત્રોમાંથી ત્રણ મિત્રો ન્હાવા પડ્યા. એ ત્રણેય મિત્રો ડેમમાં ડૂબી ગયા હતા. જ્યારે બાકીના બે મિત્રો બહાર બેસીને મોબાઈલમાં ગેમ રમતા હતા.

સુરેન્દ્રનગર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો