પાલનપુર RTO ઓવરબ્રિજનું કામ ફરીથી બ્લેકલિસ્ટ કંપનીએ જ શરુ કર્યુ, સર્જાયા સવાલ

પાલનપુર શહેરમા RTO સર્કલ પર નિર્માણ થઇ રહેલ ઓવરબ્રિજનો ગડર ધરાશાયી થવાની ઘટનામાં બે લોકોએ જીવ ગુમાવ્યા હતા. ગત ઓક્ટોબર માસમાં ઘટેલી આ ઘટનાને પગલે એજન્સીને બ્લેક લિસ્ટ કરવામાં આવી હતી અને પોલીસ ફરિયાદ નોંધવામા આવી હતી. જોકે હવે આ દરમિયાન અધૂરા ઓવરબ્રિજનું કામ ફરીથી શરુ કરવામાં આવ્યુ છે. જેમાં ફરીથી એજ એજન્સીએ કામ શરુ કર્યુ છે, જે એજન્સી પર બેદરકારીના સવાલો ઉઠ્યા હતા.

આ પણ વાંચો: બોલો, 8 પાસ નિવૃત્ત ST ડ્રાઇવર મુન્નાભાઇ MBBS! કડી અને દાંતીવાડામાં બોગસ તબીબ ઝડપાયા

એટલે કે હાલ એજન્સીએ 6 ગડર ફરીથી નિર્માણ કરવા માટેની કામગીરી શરુ કરી છે. તૂટી પડેલા ગડરના સ્થાને હવે નેશનલ હાઇવે ઓથોરિટીએ ફરીથી એજન્સીને કામ સોંપ્યું છે અને હવે એ જ મૂળ જૂની એજન્સી દ્વારા આ કામગીરી શરુ કરવામાં આવી છે. જેને લઈ હવે સવાલો ઉઠવા લાગ્યા છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો