અમદાવાદ ખાતે આજે યોજાયેલા પ્રવાસી ગુજરાતી પર્વમાં ફીજીના Dy.PM બીમન પ્રસાદ હાજર રહ્યા છે. તેમજ તેમણે કાર્યક્રમમાં સંબોધન આપ્યુ છે. ફિજીના Dy.PMએ જણાવ્યું કે, હું થોડા દિવસથી ભારતમાં છું, વિદેશ પ્રધાન જય શંકરને મળ્યો છું, રામ મંદિરના દર્શન કરવાનો અવસર મળ્યો છે. આ અમારા ફીજીવાસીઓ માટે ગૌરવની વાત, ખાસ કરીને હિંદુ ધર્મને માનનારા લોકો માટે, કારણકે પૂર્વજો અહીં રામાયણ લઇને ગયા હતા. આજે પણ તેમના પાત્ર ફીજીમાં લોકોને પ્રભાવિત કરે છે. તેમજ તેમણે ભારતીયો અને ગુજરાતીઓને ફિજીમાં પ્રવાસ અને રોકાણ કરવા માટે આમંત્રણ આપ્યુ છે.
ફીજીના Dy.PM બીમન પ્રસાદે જણાવ્યુ કે, ગુજરાતમાં આવીને વિશેષ ખુશી અનુભવુ છુ. મારા પત્નીના સંબંધીઓ પણ સુરત પાસે જ રહે છે. આયનાના પદાધિકારીઓનો આમંત્રણ આપવા આભાર માનું છુ. વેપારી લોકોને વધુ પુંજીનું યોગદાન લગાવવા આહ્વાન કરુ છુ. હું પ્રયત્ન કરવા માગુ છુ કે આપણી એર લીંક સરળ બને. તમને ફીજી ફરવા આવવા અને વેપાર કરવા આવવા માટે આમંત્રણ આપુ છું.
ફીજીના Dy.PM બીમન પ્રસાદે મુખ્યમંત્રીનો વિશેષ આભાર માનતા જણાવ્યુ કે, ગુજરાત અને ફીજીનો સંબંધ વધુ ઘનિષ્ટ બને અને આપણા વર્ષોથી જોડાયેલા સંબંધને વધુ મજબૂત કરીએ અને વિશેષ બનાવીએ. હું જણાવવા માગું છુ કે આ કાર્યક્રમમાં જોડાઇને ખૂબ આનંદની લાગણી અનુભવું છુ.
Published On - 11:37 am, Sat, 10 February 24