ઉત્તર ગુજરાતમાં તસ્કરોએ ત્રાસ કરી મૂક્યો છે. વાહન અને ઘર ફોડ ચોરીઓ વધી ચૂકી છે. જેને લઈ સ્થાનિક લોકો પણ પરેશાન બની ચૂક્યા છે. તો પોલીસને માટે તસ્કરોને ઝડપવા અને ચોરીઓને નિયંત્રણ કરવા પર પડકાર બન્યો છે. આ દરમિયાન પાટણમાં હવે બાઈક ચોર ગેંગે પણ તરખાટ મચાવી મૂક્યો છે. બાઇક અને વાહન ચોરીથી સ્થાનિક લોકો પરેશાન બન્યા છે.
પાટણમાં એક જ સોસાયટીમાંથી બે બાઇકોની ચોરી આચરવાની ઘટના સામે આવી છે. કે શ્યામ સોસાયટીમાંથી બાઇક ચોર ગેંગે બે બાઇકની ચોરી આચરી છે. ઘટના જોકે CCTV માં કેદ થઈ હતી. જેને લઈ હવે સ્થાનિક પોલીસે સીસીટીવી ફૂટેજ આધારે તસ્કરોને ઝડપવા માટે પ્રયાસો શરુ કર્યા છે.