ખુરશી બચાવવા માટે ‘AAP’ પ્રમુખે પાર કરી તમામ હદો! કેન્દ્રીય નેતાને આપી IBના નામે ધમકી, આણંદ પોલીસે ભાંડો ફોડ્યો – જુઓ Video

આણંદમાં આમ આદમી પાર્ટી (AAP)ના આંતરિક વિખવાદનો એક ચોંકાવનારો કિસ્સો સામે આવ્યો છે, જેમાં આણંદ સાયબર ક્રાઈમ પોલીસે વડોદરાના ‘આપ’ના બે દિગ્ગજ નેતાઓની ધરપકડ કરી છે. પકડાયેલા આરોપીઓમાં વડોદરા શહેર પ્રમુખ અશોક ઓઝા અને બીજા એક નેતા નીતિન ડોબરિયાનો સમાવેશ થાય છે.

મળતી માહિતી મુજબ, પક્ષમાં પોતાનું કદ નાનું થઈ જવાના ડરથી શહેર પ્રમુખ અશોક ઓઝાએ એક મોટો કારસો રચ્યો હતો. તેમણે દિલ્હીથી વડોદરા મુકાયેલા ‘આપ’ના કેન્દ્રીય નેતા દુર્ગેશ પાઠકને ઈન્ટેલિજન્સ બ્યુરો (IB)ના અધિકારીના નામે ફેક કોલ કર્યા હતા. પક્ષના જ કેન્દ્રીય નેતાને આ રીતે આઈબીના નામે ધમકાવવા કે દબાણમાં લાવવાના આ આંતરિક વિખવાદના મામલે આણંદ સાયબર ક્રાઈમ બ્રાન્ચે તપાસ હાથ ધરી હતી. પોલીસે ટેકનિકલ સોર્સના આધારે બંને આરોપીઓને ઝડપી પાડીને આગળની કાયદેસરની કાર્યવાહી શરૂ કરી છે.

ઉલ્લેખનીય છે કે, AAPના રાષ્ટ્રીય સંયોજક અરવિંદ કેજરીવાલે ટ્વીટ કરી આ મુદ્દો ઉઠાવ્યો હતો. ત્યારબાદ આ મુદ્દાને લઈ પોલીસે તપાસ કરતા સમગ્ર ઘટના પાછળ AAPનો આંતરિક કલેહ હોવાનું સામે આવ્યું છે. થોડા સમય પહેલા દિલ્લીથી AAPના પૂર્વ ધારાસભ્ય દુર્ગેશ પાઠકને વડોદરા નિયુક્ત કરવામાં આવ્યા હતા, ત્યારે વડોદરા શહેર પ્રમુખ અશોક ઓઝાને પક્ષમાં કદ નાનું થવાનો ડર હતો. આથી અશોક ઓઝાએ નીતિન ડોબરિયા દ્વારા આ કોલ કરાવ્યા હોવાનો ખુલાસો થયો છે. પોલીસે બંને આરોપીને ઝડપી કાયદેસરની કાર્યવાહી હાથ ધરી છે.

કાગળ પર વિકાસ પણ ગામમાં પાણીનું એક ટીપું નહીં, સરકારી અધિકારીઓની ઢીલી નીતિ સામે ગ્રામજનોનો ‘ઉગ્ર આક્રોશ’ – જુઓ Video