અમદાવાદમાં સરકારી આવાસના નામે લાખોની ઠગાઈ : જાણીતા વ્યક્તિના નામે 50-50 હજાર પડાવનાર અંકિત પટેલ ઝડપાયો

અમદાવાદના બોડકદેવ વિસ્તારમાં સરકારી આવાસના મકાનો અપાવવાની લાલચ આપી સેંકડો નિર્દોષ લોકો સાથે છેતરપિંડી આચરવાનો મામલો સામે આવ્યો છે. આરોપી અંકિત પટેલ અને રાગિની પટેલે પોતાને એક જાણીતા વ્યક્તિના સંબંધી હોવાનું જણાવી લોકોનો વિશ્વાસ જીત્યો હતો.

ફરિયાદીઓના જણાવ્યા મુજબ, આવાસના નામે વ્યક્તિદીઠ 50-50 હજાર રૂપિયા એક વર્ષ પહેલાં ઉઘરાવવામાં આવ્યા હતા. પૈસા લીધા બાદ આરોપીઓ ફરાર થઈ ગયા હતા. જોકે, આરોપી પોલીસના સકંજામાં આવતા જ મોટી સંખ્યામાં ભોગ બનનાર લોકો બોડકદેવ પોલીસ સ્ટેશન ઉમટી પડ્યા હતા. લોકોએ ઉગ્ર રજૂઆત કરી છે કે તેમને તેમના પરસેવાની કમાણીના પૈસા વહેલી તકે પરત અપાવવામાં આવે. હાલ પોલીસે આ મામલે વધુ તપાસ હાથ ધરી છે.

Breaking News: નિફ્ટીમાં છેલ્લા બે દિવસની તેજી શું માત્ર એક જાળ છે? આ રહ્યા એ 3 પુરાવા જાણો શું છે સત્ય