AHMEDABAD : આનંદનિકેતન સ્કૂલના વિદ્યાર્થીએ ફરીવાર સોશિયલ મીડિયા ગ્રૂપમાં સ્કુલની જ વિદ્યાર્થીનીના અશ્લીલ ફોટો મુક્યા
સાયબર ક્રાઈમ વિભાગના અધિકારીઓનું કહેવું છે કે આ વિદ્યાર્થી થોડો વિકૃત લાગે છે. ટેક્નિકલ બ્લોક ઊભા કરીને ફોટો અપલોડ કરવાની તેની કુશળતાને કારણે તેને પકડી શકાતો ન હોવાનું સાયબર ક્રાઈમ વિભાગના અધિકારીઓનું કહેવું છે.
AHEMDABAD : શહેરની આનંદનિકેતન સ્કૂલના વિદ્યાર્થીએ ફરીવાર સોશિયલ મીડિયા ગ્રૂપમાં સ્કૂલ ગર્લનો નગ્ન ફોટો મૂક્યો છે. પહેલા પણ આ વિદ્યાર્થી આવી હરકત કરી ચૂક્યો છે.છેલ્લા 11 માસથી સાયબર ક્રાઈમની ટીમ તેને શોધી રહી છે.. પણ હજુ સુધી તે પકડાયો નથી. આનંદનિકેતન સ્કૂલના વિદ્યાર્થીઓની પરીક્ષા લેવાની ચાલુ કરવામાં આવી છે. આ સાથે જ શાળાને એક વિદ્યાર્થીએ ફરી એકવાર શાળાની જ એક યુવતીનો નગ્ન ફોટો સ્કૂલના છોકરાઓના ગ્રૂપમાં મૂકી દીધો છે.
આ યુવાનને ઝડપી લેવા માટે સાયબર ક્રાઈમ વિભાગ, એન્ટિ ટેરરિસ્ટ સ્ક્વૉડ, ક્રાઈમ બ્રાન્ચ સહિતની તમામ પોલીસ કામે લાગી ગઈ છે. સૌથી અગત્યની વાત તો એ છે કે માત્ર સત્તર વર્ષનો છોકરો સાયબર ક્રાઈમ, એન્ટિ ટેરરિસ્ટ સ્ક્વૉડ અને ક્રાઈમ બ્રાન્ચના નિષ્ણાત અધિકારીઓને છેલ્લા દસ મહિનાથી હંફાવી રહ્યો છે. પરંતુ આ તમામ અધિકારીઓ માત્ર લાચાર બનીને નાનકડા વિદ્યાર્થીના ખેલને ઉકેલવાની દસ માસથી મથામણ કરી રહ્યા છે.
સાયબર ક્રાઈમ વિભાગના અધિકારીઓનું કહેવું છે કે આ વિદ્યાર્થી થોડો વિકૃત લાગે છે. ટેક્નિકલ બ્લોક ઊભા કરીને ફોટો અપલોડ કરવાની તેની કુશળતાને કારણે તેને પકડી શકાતો ન હોવાનું સાયબર ક્રાઈમ વિભાગના અધિકારીઓનું કહેવું છે.
