Video: હવે યુઝવેન્દ્ર ચહલને ચડયો પુષ્પાનો રંગ, અલગ અંદાજમાં કહ્યું કે, પુષ્પા…પુષ્પરાજ, મૈં ઝુકુગા નહીં !
ટીમ ઈન્ડિયાના લેગ સ્પિનર યુઝવેન્દ્ર ચહલે પુષ્પા ફિલ્મના એક પ્રખ્યાત ડાયલોગ પર લિપ-સિંકિંગ કરતો વીડિયો શેર કર્યો છે. જે જોતા જ વાયરલ થઈ ગયો છે. તેની નવી સ્ટાઈલ ફેન્સને ખૂબ જ પસંદ આવી રહી છે.
સોશિયલ મીડિયા ( Social media) પર છેલ્લા ઘણા દિવસોથી તેલુગુ ફિલ્મ પુષ્પાના ગીતો અને ડાયલોગ્સનો ક્રેઝ વધી રહ્યો છે. અલ્લુ અર્જુન અને રશ્મિકા મંદન્ના સ્ટારર અલ્લુ અર્જુનની પુષ્પાને (Allu Arjun Pushpa) રિલીઝ થયાને લગભગ બે મહિના થઈ ગયા છે, પરંતુ લોકોનો તેના પ્રત્યેનો ક્રેઝ અટકતો નથી દરેક લોકો આ ફિલ્મના ગીતો અને ડાયલોગ્સ પર રીલ બનાવી રહ્યા છે. આ લિસ્ટમાં હવે ભારતીય ટીમનો લેગ સ્પિનર યુઝવેન્દ્ર ચહલ (Yuzvendra Chahal) પણ સામેલ થઈ ગયો છે. તેણે ‘પુષ્પા’ના એક પ્રખ્યાત ડાયલોગ પર લિપ-સિંકિંગ કરતો વીડિયો શેર કર્યો છે, જે જોતાં જ વાયરલ થઈ ગયો છે. યુઝર્સ ચહલની આ સ્ટાઇલને ખૂબ પસંદ કરી રહ્યા છે.
હાલમાં વાયરલ થઈ રહેલા વીડિયોમાં, યુઝવેન્દ્ર ચહલ પુષ્પા ફિલ્મમાં અલ્લુ અર્જુનના પ્રખ્યાત ડાયલોગ સાથે લિપ-સિંક કરતા જોઈ શકાય છે. વીડિયોમાં ચહલ, અલ્લુ અર્જુનનો ફેમસ ડાયલોગ ‘પુષ્પા…પુષ્પરાજ,મૈં ઝુંકુગા નહીં.’ને રીક્રીએટ કરે છે. તમને જણાવી દઈએ કે ડાયલોગ્સ બોલતી વખતે ચહલના એક્સપ્રેશન્સ પણ અદ્ભુત લાગે છે. તેણે અલ્લુ અર્જુનના તેવરનો બરાબર નકલ કરવાનો પ્રયાસ કર્યો છે.
લેગ સ્પિનર યુઝવેન્દ્ર ચહલે આ વીડિયો પોતાના ઈન્સ્ટાગ્રામ હેન્ડલ પર શેર કર્યો છે. તેણે કેપ્શનમાં લખ્યું, Pushpaaaaaa. ચહલના લિપ-સિંકનો આ વીડિયો લોકોને કેટલો પસંદ આવી રહ્યો છે, તેનો અંદાજ એ વાત પરથી લગાવી શકાય છે કે થોડા કલાકો પહેલા જ ઈન્સ્ટાગ્રામ પર શેર કરવામાં આવેલા આ વીડિયોને 4 લાખ 40 હજારથી વધુ લોકોએ લાઈક કર્યો છે. આ સંખ્યા સતત વધી રહી છે. તે જ સમયે, તેના પ્રશંસકો પણ આ વીડિયો પર રિએક્શન આપી રહ્યા છે.
ચહલના આ વીડિયો પર કટાક્ષ કરતા ઓસ્ટ્રેલિયન ક્રિકેટર ડેવિડ વોર્નરે લખ્યું છે કે, કોપી કેટ. વાસ્તવમાં, વોર્નર તેના પર એક રીલ બનાવી ચૂક્યો છે, જે ભારતીય ફેન્સને ખૂબ પસંદ આવ્યો હતો. આ સિવાય અભિનેતા અલી ગોનીએ પૂછતા પૂછ્યું કે પછી બોલ કોણ ઉપાડશે? જો કે, ચહલના કેટલાક ફેન્સ કહે છે કે તમે આ ટ્રેન્ડને અનુસરવામાં થોડો મોડો કર્યો છે. એકંદરે, લોકોને આ વીડિયો ઘણો પસંદ આવ્યો છે અને યુઝર્સ તેનો ઘણો આનંદ લઈ રહ્યા છે.