Cute Video : કોરોના વાયરસના આગમન પછી લોકોનું જીવન સંપૂર્ણપણે બદલાઈ ગયું છે. દરેક જગ્યાએ પણ એન્ટ્રી લેતા પહેલા ટેમ્પરેચર તપાસવું, સોશિયલ ડિસ્ટન્સિંગ, માસ્ક લગાવવું, હેન્ડ સેનિટાઇઝિંગ… હવે આ વસ્તુઓ લોકોની આદત બની ગઈ છે. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે. જેમાં એક બાળકી ગાર્ડને તેના રમકડાનું તાપમાન પણ ચેક કરાવવાની વિનંતી કરતી જોવા મળે છે. આ ક્યૂટ મોમેન્ટ (Cute Moment) લોકોના દિલ જીતી રહી છે.
બાળકીની સમજણ જોઈને યુઝર્સ દંગ રહી ગયા
કોરોના વાયરસને નાથવા માટે કોવિડ પ્રોટોકોલનું (Covid Protocol) પાલન કરવું ખૂબ જ જરૂરી છે. હાલમાં સોશિયલ મીડિયા પર એક બાળકીનો ખૂબ જ ક્યૂટ વીડિયો વાયરલ થઈ રહ્યો છે. જેમાં બાળકી સિક્યોરિટી ગાર્ડને તેનું તાપમાન ચેક કરાવવા અને તેના રમકડાનું તાપમાન માપવા કહે છે.
જુઓ વીડિયો
A responsible citizen should be like this. @hvgoenka pic.twitter.com/7phGPk4rfm
— Dinesh Joshi (@officeofdnj) November 3, 2021
વાયરલ વીડિયોમાં તમે જોઈ શકો છો કે બાળકીના હાથમાં એક રમકડું છે. તે સિક્યુરિટી ગાર્ડ (Security Guard) પાસે જાય છે અને તેને તેનું તાપમાન તપાસવા કહે છે. આ દરમિયાન, જ્યારે ગાર્ડ તાપમાન તપાસવા માટે આગળ વધે છે, ત્યારે છોકરી તેના બંને હાથ લંબાવે છે. રસપ્રદ વાત એ છે કે એક જાગૃત નાગરિક તરીકે, બાળકી ગાર્ડને તેના રમકડાનું તાપમાન પણ તપાસવા કહે છે. બાળકીનો આ ક્યુટ વીડિયો સોશિયલ મીડિયા પર લોકોના દિલ જીતી રહ્યો છે.
વીડિયો ઈન્ટરનેટ પર વાયરલ
આ વીડિયો Dinesh Joshi નામના વ્યક્તિએ ટ્વિટર પર શેર કર્યો છે. યુઝરે કેપ્શનમાં (Caption) લખ્યું છે કે, એક જવાબદાર નાગરિક આવો હોવો જોઈએ. આ ક્યૂટ વીડિયો જોયા બાદ લોકો પણ બાળકી પર પોતાનો પ્રેમ વરસાવી રહ્યા છે. એક યુઝરે કોમેન્ટ કરતા લખ્યું કે, આ વીડિયો માત્ર ક્યૂટ જ નથી પરંતુ એક સારો પાઠ પણ છે. આ સિવાય અન્ય યુઝર્સ પણ બાળકીની પ્રશંશા કરતા જોવા મળી રહ્યા છે.
આ પણ વાંચો: Video: ‘બાલા ઓ બાલા’ સોંગ પર આન્ટીનો અનોખો ડાન્સ, યુઝર્સ કહ્યુ-હિંમત હોય તો જ જુઓ…..