Viral Video : વ્યક્તિએ ટ્રકની ટાંકી પર કરી એવી કલાકારી, 4 લાખથી વધુ વાર જોવાઇ ગયો વીડિયો

સોશિયલ મીડિયા (Social Media) એક એવું પ્લેટફોર્મ છે જે કોઈને પણ રાતોરાત સ્ટાર બનાવવાની ક્ષમતા ધરાવે છે. છેલ્લા કેટલાક વર્ષોમાં આવા ઘણા સામાન્ય લોકો સામે આવ્યા છે જે સોશિયલ મીડિયા દ્વારા આંખના પલકારામાં સ્ટાર બની ગયા છે. આજે અમે તમને એક એવા વ્યક્તિ વિશે જણાવવા જઈ રહ્યા છીએ, જેની કળા જોઈને તમે પણ એક ક્ષણ માટે ચોંકી જશો.

જ્યારે પણ આપણા બધાના ઘરે નવું વાહન આવે છે ત્યારે સૌ પ્રથમ આપણે પૂજા કરીએ છીએ અથવા નાળિયેર વધેરીયે છીએ. એ જ રીતે, કાર, ટ્રક અને ઓટોની પાછળ કેટલીક વાર લોકો રમૂજી વાતો લખાવે છે અથવા તો ચિત્રો દોરાવે છે અને આ કામ માટે તેઓ પેઇન્ટર પાસે જાય છે. પોતાના વાહન પર આ કળા કરાવવી તેઓ શુભ માને છે, ભારતમાં જ લોકો ટ્રક અને વાહનોની પાછળ સારા સારા વાક્યો લખાવડાવે છે જે તેઓને ખૂબ જ પસંદ આવે છે. હાલમાં આવા જ એક વ્યક્તિનો વીડિયો સોશિયલ મીડિયા પર વાયરલ થઈ રહ્યો છે.

વાયરલ થઈ રહેલા વીડિયોમાં તમે જોઈ શકો છો કે એક વ્યક્તિ પોતાની ડીઝલ ટાંકીની પાછળ ‘Diesel’ લખતો જોવા મળી રહ્યો છે, તે વ્યક્તિએ હાથમાં નારંગી રંગથી ભરેલું ટીન પકડ્યું છે. તે એક નાના પેઇન્ટ બ્રશ વડે પોતાની જાદુગરી બતાવતો જોવા મળે છે. તે માણસ તેની શાનદાર ગતિથી ટાંકી પર તેનું બ્રશ ફેરવે છે. શરૂઆતમાં, વીડિયો જોયા પછી, આ વ્યક્તિ શું બનાવવાનો પ્રયાસ કરી રહ્યો છે તે અનુમાન લગાવી શકાતું નથી, પરંતુ જેમ તે પેઇન્ટિંગ પૂર્ણ કરે છે. કંઈક અનોખું અને રમુજી જોવા મળે છે. વાસ્તવમાં, પોતાની અનોખી પ્રતિભાથી તે ‘ડીઝલ’ નામથી ટાંકીને પેઇન્ટ કરે છે.

આ વીડિયો ટ્વિટર પર @GabbbarSingh નામના એકાઉન્ટ દ્વારા શેર કરવામાં આવ્યો છે. સમાચાર લખાય છે ત્યાં સુધી ચાર લાખથી વધુ વ્યૂઝને 21 હજારથી વધુ લોકોએ લાઈક કર્યું છે. આના પર ઘણા યુઝર્સે ફની કોમેન્ટ્સ કરી છે. એક યુઝરે લખ્યું, “હું આને વારંવાર જોઈ રહ્યો છું. ઘણી વાર જોયા બાદ મને સમજાયું કે ડીઝલ લખેલું છે. બીજાએ લખ્યું, “હું આના પરથી મારી નજર હટાવી શકતો નથી. આ લખવું આટલું સરળ કેવી રીતે હોઈ શકે? તમે અહીં આવી ઘણી ટિપ્પણીઓ જોઈ શકો છો.

આ પણ વાંચો –

Jamnagar: વધુ રૂપિયા કમાવવાની લાલચે ત્રણ યુવાનો પહોચે છે યુપી અને ત્યાં થઈ જાય છે અપહરણ, કોઈ ફિલ્મની સ્ટોરીથી કમ નથી જામનગર પોલીસનું ‘ઓપરેશન રિહાઈ’

આ પણ વાંચો –

Mission Vibrant: CM ભૂપેન્દ્ર પટેલની બેંક ઓફ અમેરિકાના પ્રેસિડન્ટ સાથે બેઠક, આ મહત્વના મુદ્દાઓ પર થઇ વાત