Viral Video: સોશિયલ મીડિયાની દુનિયામાં કોઈને કોઈ વીડિયો લોકોમાં ચર્ચાનો વિષય બને છે. તાજેતરમાં આવો જ એક વીડિયો ઈન્ટરનેટ પર ખુબ વાયરલ થઈ રહ્યો છે. અમેરિકાથી (America) એક ઘટના સામે આવી છે જેમાં બે ચોર ચોરી કરવા માટે એક સ્ટોરમાં ઘૂસ્યા હતા પણ ત્યાં ઉભેલા એક વ્યક્તિએ એટલી જબરદસ્ત ચાલાકી કરી કે બંને ચોરોની હવા ટાઈટ થઈ ગઈ. આ વીડિયો જોઈને તમને પણ આશ્ચર્ય થશે.
આ વીડિયોમાં સ્પષ્ટપણે જોઈ શકાય છે કે બંને ચોર દુકાનનો દરવાજો ખોલીને અંદર પ્રવેશ કરે છે અને પ્રવેશતાની સાથે જ તે બંદૂક બતાવે છે, ત્યારે દુકાનની (Store) અંદર ઉભેલા એક વ્યક્તિએ ચોરની બંદૂક પકડી અને તેને ઝડપથી બીજી તરફ ફેરવી. આ જોઈને પાછળનો ચોર તરત જ ત્યાંથી ભાગી જાય છે. આ વ્યક્તિએ ચોરને બરાબરનો પાઠ ભણાવ્યો.આ વીડિયો હાલ સોશિયલ મીડિયા પર ખુબ વાયરલ થઈ રહ્યો છે.
જુઓ દિલધડક દ્રશ્યો
એક રિપોર્ટ અનુસાર ચોરને પાઠ ભણાવનાર વ્યક્તિનું નામ જેમ્સ કિલસર (James Kilser) છે. તેમણે અમેરિકન મરીનમાં સેવા આપી છે. તેણે માત્ર તાત્કાલિક પગલાં જ લીધા નહીં, પરંતુ ચોર પાસેથી તેની બંદૂક પણ છીનવી લીધી. આ સાથે તેના પર જોરદાર હુમલો થયો અને ચોર નીચે પડી ગયો. આ વીડિયો જોઈને લોકોને ખુબ આશ્ચર્ય થઈ રહ્યુ છે.
મળતી માહિતી અનુસાર આ ઘટના અમેરિકાના એરિઝોનાની કહેવામાં આવી રહી છે. રિપોર્ટમાં ઉલ્લેખ કરવામાં આવ્યો છે કે બે ચોર અહીં સ્થિત એક સ્ટોરમાં લૂંટ કરવા માટે ઘૂસ્યા હતા. આ સ્ટોર એક ગેસ સ્ટેશનની નજીક આવેલો છે, આ સમગ્ર ઘટના સ્ટોરના CCTV કેમેરામાં કેદ થઈ હતી.જેનો વીડિયો હાલ ઈન્ટરનેટ (Internet)પર છવાયો છે.
આ પણ વાંચો : Video : ઈન્ટરનેટની દુનિયામાં છવાઈ આજ્ઞાકારી મરઘી, આ મરઘીને જોઈને તમે પણ વિચારમાં પડી જશો
આ પણ વાંચો : Video : આ યુવતી અદ્ભૂત ડાન્સ કરી રહી હતી, પરંતુ બાદમાં કંઈક એવુ થયુ કે લોકોની આંખો ચાર થઈ ગઈ !