આ દિવસોમાં બે શાળાના બાળકો અને ફળ વેચતી એક મહિલાનો વીડિયો સોશિયલ મીડિયા (Social Media)પર ચર્ચામાં છે. વાયરલ ક્લિપમાં બાળકોએ એવું કર્યું છે જે મોટા લોકો પણ કરી શક્યા નથી. વાસ્તવમાં, મહિલા હાથલારીને ચઢાણ પર ચઢાવવા સક્ષમ ન હતી. આ દરમિયાન ઘણા લોકો રસ્તા પરથી પસાર થઈ રહ્યા હતા, પરંતુ કોઈએ મદદ કરી ન હતી. પછી બે બાળકો આવે છે અને તેની હાથગાડીને ધક્કો મારવાનું શરૂ કરે છે. બાળકોનું આ કામ નેટીઝન્સનું દિલ જીતી રહ્યું છે. આ વીડિયો (Viral Video)જોઈને તમને ખબર પડશે કે લોકો કેવી રીતે મતલબી બની રહ્યા છે ત્યારે બાળકો વડીલોને શીખ આપી રહ્યા છે.
વાયરલ થઈ રહેલા વીડિયોમાં તમે જોઈ શકો છો કે એક મહિલા રસ્તા પર એક હાથગાડીને ધક્કો મારી રહી છે. રસ્તા પર એક ચઢાણ છે અને હાથગાડી પર સામાન રાખવામાં આવ્યો હોવાને કારણે મહિલાને તેને ધક્કો મારવામાં મુશ્કેલી પડે છે. મહિલા ઘણા સમય સુધી સંઘર્ષ કરે છે. આ દરમિયાન રસ્તા પરથી ઘણા લોકો પસાર થાય છે, પરંતુ મદદ માટે કોઈ આગળ આવતું નથી. ત્યારે શાળાએથી પરત ફરી રહેલા બે બાળકો મહિલાની મદદ માટે આગળ આવે છે. આ પછી, તેઓ સાથે મળીને હાથલારીને ચઢાવે છે. બાળકો જે કંઈ પણ કરે, તેમાંથી ઘણા લોકો ચોક્કસપણે શીખશે.
ટ્વિટર પર આ વીડિયો શેર કરતા યુઝરે કટાક્ષ કરતા લખ્યું, ‘તમારી ડિગ્રી માત્ર એક કાગળનો ટુકડો છે, જો તે તમારા વર્તનમાં દેખાતો નથી.’ 30 સેકન્ડની આ ક્લિપ અત્યાર સુધીમાં 5 લાખથી વધુ વખત શેર કરવામાં આવી છે. ત્યારે લગભગ 30 હજાર લોકોએ આ વીડિયોને લાઈક કર્યો છે. આ સિવાય ટ્વિટર યુઝર્સ પણ તેને જોરદાર રીતે શેર કરી રહ્યા છે. પોસ્ટને સાડા ચાર હજાર રીટ્વીટ મળ્યા છે. ત્યારે વીડિયો જોયા પછી, લોકો સતત તેમના પ્રતિભાવો નોંધી રહ્યા છે.
आपकी डिग्री सिर्फ़ एक काग़ज़ का टुकड़ा है, अगर वो आपके व्यवहार में ना दिखे तो। pic.twitter.com/eHsuTYOGrh
— Mahant Adityanath 2.0🦁 (@MahantYogiG) August 8, 2022
એક યુઝરે કોમેન્ટ કરતાં લખ્યું, આ બાળકોને મારી સલામ. અન્ય એક યુઝરે કહ્યું, ‘ખરેખર આવા લોકોએ પોતાને શિક્ષિત ગણાવીને પાણીમાં ડૂબીને મરી જવું જોઈએ.’ અન્ય એક યુઝરે કોમેન્ટ કરીને લખ્યું કે, ‘આ વીડિયો મારા દિલને સ્પર્શી ગયો છે.’ એકંદરે લોકો બાળકોના કામના જોરદાર વખાણ કરી રહ્યા છે. જોકે, કેટલાક યુઝર્સ એવું પણ માને છે કે આ વીડિયો સ્ક્રિપ્ટેડ છે. બાબત ગમે તે હોય. પરંતુ એક વાત ચોક્કસ છે કે રસ્તામાં મહિલાને કોઈએ મદદ કરી નથી.