Viral: વીડિયોમાં એકસાથે ત્રણ કિંગકોબ્રાને જોઈ લોકોએ કહ્યું- નાગલોકમાં મીટિંગ ચાલી રહી છે !

ઈન્ટરનેટની દુનિયા ખરેખર અજીબ છે, અહીં ક્યારે શું વાઈરલ થશે તે વિશે કંઈ કહી શકાય નહીં. કેટલીકવાર આવી વસ્તુઓ અહીં જોઈ શકાય છે. જેને જોયા પછી આપણને આપણી આંખો પર વિશ્વાસ નથી થતો, હાલ કંઈક આવું જ સામે આવ્યું છે. જેને જોઈને તમે પણ એક ક્ષણ માટે આશ્ચર્યચકિત થઈ જશો કારણ કે આવો નજારો કદાચ તમે પહેલા ક્યારેય નહિ જોયો હોય. જો કે એક કિંગ કોબ્રા (King Cobra)ને જોતા જ ભલભલાના પરસેવા છુટી જાય છે, પરંતુ જો ત્રણ કિંગ કોબ્રા એક સાથે જોવા મળે તો?

વાઈરલ (Viral Videos) થઈ રહેલા વીડિયો (Social Media)માં એક, બે નહીં પરંતુ ત્રણ ખતરનાક કિંગ કોબ્રા સામસામે જોઈ રહેલા જોવા મળે છે. આ ક્લિપ જોઈને એવું લાગે છે કે આ કોઈ ફિલ્મી સીન છે, જે રીતે ત્રણેય સામ સામે જોઈ રહ્યા છે અને પોતપોતાની ફેણ ફેલાવી રહ્યા છે તે જોઈને લાગે છે કે જાણે ત્રણેય એકબીજા પર હુમલો કરવા જઈ રહ્યા છે. ત્રણેય વચ્ચે શું થાય છે તે આ વીડિયોમાં બતાવવામાં આવ્યું નથી. પરંતુ, શું તમે કલ્પના કરી શકો છો કે દશ્ય કેવું રહ્યું હશે?

આ આશ્ચર્યજનક વીડિયો જોઈને યુઝર્સે તેના પર પોત-પોતાની પ્રતિક્રિયા આપી છે. વીડિયો પર કોમેન્ટ કરતાં એક યુઝરે લખ્યું, ‘આ નજારો જોઈને હું આશ્ચર્યચકિત થઈ ગયો છું.’ વીડિયો પર પોતાની પ્રતિક્રિયા આપતા અન્ય એક યુઝરે લખ્યું, ‘બે સાપ વચ્ચે લડાઈ ચાલી રહી છે અને રેફરી પણ વિજેતા જાહેર કરવા તૈયાર છે.’ અન્ય એક યુઝરે વીડિયો પર કોમેન્ટ કરી અને લખ્યું, ‘નાગલોકના વિકાસને લઈને મહત્વપૂર્ણ મીટિંગ ચાલી રહી છે.’ આ સિવાય અન્ય ઘણા યુઝર્સે તેના પર ફની કમેન્ટ્સ દ્વારા પોતાની પ્રતિક્રિયા આપી છે.

ઈન્સ્ટાગ્રામ (Instagram) પર આ વીડિયોને helicopter_yatra_નામના એકાઉન્ટ પર શેર કરવામાં આવ્યો છે. જેને સમાચાર લખાય છે ત્યાં સુધીમાં હજારો વ્યુઝ અને લાઈક્સ મળી ચૂક્યા છે. આપની જાણકારી માટે જણાવી દઈએ કે આ પહેલા સોશિયલ મીડિયા પર ત્રણ કોબ્રાની એક તસવીર વાયરલ થઈ હતી. આ તસવીરમાં ત્રણ કોબ્રા એકસાથે જોવા મળે છે. તસવીરમાં તેઓ ક્યારેક એકબીજા સાથે ચોંટેલા જોવા મળે છે તો ક્યારેક તેઓ ફેણ ફેલાવે છે. ત્રણ કોબ્રાને એકસાથે જોવા એ એકદમ દુર્લભ છે.

આ પણ વાંચો: Technology: WhatsApp ની કઈ ચેટ રોકી રહી છે સૌથી વધુ મેમરી, જાણો કેવી રીતે વધારવું સ્ટોરેજ

આ પણ વાંચો: Viral Video: વાંદરાને સળી કરી રહ્યો હતો વ્યક્તિ, કપીરાજનો મગજ જતાં ઝીંકી તલવાર !