આજની યુવા પેઢીને અનેક વસ્તુના શોખ હોય છે. કોઈને ગેમનો શોખ, કોઈને સિંગિગનો શોખ, કોઈને રમતનો શોખ , કોઈને ડાન્સનો શોખ તો કોઈને સ્ટંટનો શોખ. ભારતના ઘણા યુવાનોને સ્ટંટ કરવાનો જબરો શોખ હોય છે. તેઓ બાઈક પર, કાર પર, ટ્રક પર અને ટ્રેનમાં પણ સ્ટંટ કરતા હોય છે. આવા અનેક સ્ટંટના વીડિયો સોશિયલ મીડિયામાં ભૂતકાળમાં ખુબ વાયરલ થયા છે. આવા સ્ટંટ જોખમ ભરેલા હોય છે. તેના કારણે અનેક લોકોના જીવ પણ જાય છે. કેટલાક લોકો આ સ્ટંટ (stunt) રોજગારી માટે કરતા હોય છે તો કેટલાક લોકો માત્ર શોખ ખાતર. તમે તમારી આસપાસ આવા સ્ટંટ કરતા યુવકો જોયા જ હશે. કેટલાક યુવકો ઝીકઝેક ગાડી ચલાવે છે, કેટલાક ટ્રાફિક વચ્ચેથી સ્પીડમાં ગાડી કાઢે છે, કોઈ બાઈકનું એક પૈડુ ઉચ્ચુ કરીને બાઈક ચલાવે છે. આવા લોકો ઘણીવાર અકસ્માતનો શિકાર બને છે. હાલમાં આવો જ એક વીડિયો સોશિયલ મીડિયામાં વાયરલ (Viral Video) થયો છે.
ફિલ્મોમાં બતાવવામાં આવતા સ્ટંટ કરવાનો અનેક લોકોને શોખ જાગે છે પણ તેમની નાની ભૂલ તેમને હોસ્પિટલ સુધી પહોંચાડે છે. દેશની રાજધાની દિલ્લીની પોલીસે હાલમાં ટ્વિટર પર એક વીડિયો શેયર કર્યો છે. જેને જોઈ લોકો ચોંકી ગયા છે. આ વીડિયોમાં તમે જોઈ શકો છો કે, એક યુવક બાઈક સાથે સ્ટંટ કરતા કરતા રસ્તા પર ચાલતા વાહનોની વચ્ચેથી જઈ રહ્યો છે. અચનાક સ્ટંટ કરતા કરતા તેનુ બેલેન્સ બગડે છે અને તે બાઈક પરથી રસ્તા પર પડે છે. તેની બાઈક બીજી દિશામાં પડે છે અને તે રસ્તા પર ઘસડાતા ઘસડાતા 3-4 ગુલાટી મારે છે. તે લાંબા અંતર સુધી ઘસડાય છે. તેણે હેલ્મેટ પહેર્યુ હતુ તેથી તેનો જીવ બચ્યો.
Road par nahi chalegi TUMHARI MARZI,
Aise stunts karoge toh jodne ke liye bhi nahi milega KOI DARZI!#SpeedKills #RoadSafety pic.twitter.com/RFF7MR26Ao— Delhi Traffic Police (@dtptraffic) August 3, 2022
આ વીડિયો દિલ્લી ટ્રાફિક પોલીસે તેના સત્તાવાર ટ્વિટર હેન્ડલ પરથી શેયર કર્યો છે. વીડિયોના કેપ્શનમાં પોલીસે લોકોને સુરક્ષિત રહેવા અને વધુ ઝડપે વાહન ના ચલાવવાની અપીલ કરી છે.